Մասնագետները կրծքագեղձի քաղցկեղի ախտորոշման ձեռքի սկաներ են ստեղծել. news.am

Ֆլորիդայի Միջազգային համալսարանի գիտնականները ձեռքի նոր սքաներ են մշակել կրծքագեղձի քաղցկեղի ախտորոշման համար: Սարքի նախատիպը, որն իր չափով կոշիկի տուփ է հիշեցնում, անհամեմատ ավելի հարմարավետ է, քան մամոգրաֆիայի սարքերը, որոնք ներկայում օգտագործվում են հիվանդանոցներում, նշում են փորձագետները: Սքաները գործնականում անվնաս ինֆրակարմիր ճառագայթում է օգտագործում ուռուցքների հայտնաբերման համար՝ այն դեպքում, երբ մամոգրաֆիայում ռենտգենային ճառագայթներ են օգտագործում, որոնք կարող են վնասել առողջությանը: 

Բացի այդ, նոր սքաների ստեղծողների խոսքով, մամոգրաֆիան հինգ դեպքից մեկում կարող է կեղծ բացասական արդյունքներ ստանալ. դա նշանակում է, որ քաղցկեղն առկա է, բայց չի հայտնաբերվել: Դա հատկապես բարձր է երիտասարդ կանանց մոտ, որոնք կարող են ավելի ագրեսիվ քաղցկեղից տառապել: 

Առաջին հետազոտությունների արդյունքներով, նոր սքաները շատ արդյունավետ է եւ հաջողությամբ հետազոտության է ենթարկում կանանց կաթնագեղձերի ավելի հոծ հյուսվածքները, չնայած դեռեւս 5 հիվանդի վրա են փորձարկել: Սքաների երկրորդ տարբերակն առայժմ փորձարկել են ընդամենը մի հիվանդի վրա:

Նոր սարքն աշխատում է՝ չափելով ցրվող լույսը: Ուռուցքները հեմոգլոբինի՝ արյան կարմիր գնդիկներում առկա սպիտակուցի ավելի բարձր մակարդակ ունեն, քան կաթնագեղձի առողջ հյուսվածքները, եւ վերոհիշյալ սքաներն ի վիճակի է հայտնաբերել դա:

Հարցեր, պատասխաններ, մեկնաբանություններ