Գիտնականները շագանակագեղձի քաղցկեղի ախտորոշման ամենաճշգրիտ թեստն են ստեղծել. med.news.am

Բիրմինհեմի համալսարանի (Մեծ Բրիտանիա) մասնագետները շագանակագեղձի ախտորոշման՝ արյան հետազոտության նոր թեստ են մշակել, որն առանձնանում է ավելի բարձր ճշգրտությամբ, քան գոյություն ունեցող ախտորոշման բոլոր մեխանիզմները:

Նոր թեստի համար բժիշկներին անհրաժեշտ է ընդամենը մի քանի կաթիլ արյուն: Այն նաեւ մատչելի է եւ հարմար է օգտագործման համար:

Այսօր շագանակագեղձի քաղցկեղի ախտանիշները եւս արյան հետազոտությամբ են որոշում: Չափում են սպիտակուցի մակարդակը, որը կոչվում սպեցիֆիկ հակագեն: Սակայն այլ հիվանդություններ եւս հանգեցնում են այս սպիտակուցի մակարդակի աճին, ինչի արդյունքում մասնագետները հաճախ են սխալվում:

Իրականում գոյություն ունի այդ հակագենի ընդամենը մի տեսակ, որը վկայում է շագանակագեղձի քաղցկեղի մասին, սակայն այժմ գոյություն ունեցող թեստերը չեն կարող այդ սպիտակուցները տարբերակել: Իսկ ահա նոր թեստն ընտրում է հակագենի միայն այդ սպեցիֆիկ տեսակը, ինչն ավելի ճշգրիտ ախտորոշման հնարավորություն է ընձեռում:

Ակնկալվում է, որ թեստը վաճառքում կհայտնվի երկու տարուց:

Հարցեր, պատասխաններ, մեկնաբանություններ