Ճապոնական տեխնոլոգիան հնարավորություն է տալիս 3 րոպեում հայտնաբերել քաղցկեղը. 1in.am

Ռուսական Ria Novosti լրատվական գործակալության փոխանցմամբ՝ ճապոնական MYTECH ընկերությունը, բժշկական ու կրթական հիմնարկների հետ միասին, մշակել է երեք րոպեի ընթացքում ուռուցքաբանական հիվանդություններ հայտնաբերող տեխնոլոգիա: Հիվանդի արյունը դրվում է հատուկ մետաղից պատրաստված սկավառակի վրա և ուլտրամանուշակագույն ճառագայթման մշակման միջոցով ստուգվում ուռուցքաբանական հիվանդության առկայությունը:

Կախված հիվանդության առկայությունից կամ բացակայությունից՝ այն լույս է արձակում կամ չի արձակում: Հետազոտողներն ուռուցքաբանական հիվանդություններից տառապողների մասնակցությամբ փորձարկումների ընթացքում կարողացել են երեք րոպեում հստակեցնել ուռուցքի առկայությունը:

Հետազոտողներից Կացույուկի Խասեգավան հայտարարել է, որ տեխնոլոգիան հնարավորություն է տալիս ընդամենը մեկ կաթիլ արյան միջոցով երեք րոպեում հստակեցնել չարորակ ուռուցքի լինել-չլինելը:

Հարցեր, պատասխաններ, մեկնաբանություններ