Ռուս գիտնականները քաղցկեղի արագ և ճշգրիտ ախտորոշման մեթոդ են մշակել. tert.am

Նոր մեթոդով քաղցկեղի արագ և ճշգրիտ ախտորոշման համար մեկ կաթիլից էլ պակաս՝ 1 միկրոլիտր արյուն է անհրաժեշտ: Այս մասին հաղորդում է Meddaily.ru-ն՝ հղում կատարելով U74.RU-ին: Արյան նմուշը տեղադրում են հատուկ պեպտիդներով տարայի վրա, որը սքանավորվում է:

Վերլուծության արդյունքները պատրաստ են լինում հանձնումից մեկ ժամ հետո: Ինչպես հաղորդում է աղբյուրը՝ գիտնականներն իրենց առջև խնդիր են դրել՝ երկու-երեք տարի անց այդ տեխնոլոգիան Ռուսաստանում քաղցկեղի ախտորոշման հիմնական մեթոդը դարձնել:

Այսպիսով, սքանավորման արդյունքում մասնագետների ձեռքում կհայտնվեն հիվանդների իմունոլոգիական ստորագրությունը՝ արյան մեջ ամինաթթուների անհատական կապերը հակամարմինների հետ:

Ռուս-ամերիկյան հակաքաղցկեղային կենտրոնի անդամները սովորում են իմունոլոգիական ստորագրության միջոցով ախտորոշել ուռուցքային հիվանդությունները: Ներկա պահին մասնագետները համեմատում են առողջ և հիվանդ մարդկանց վերլուծությունները:

Հարցեր, պատասխաններ, մեկնաբանություններ