Հաջողվել է «հակաքաղցկեղային նանոռոբոտի» վերածվող նանոմասնիկ ստեղծել. tert.am

Կալիֆորնիայի համալսարանի աշխատակիցներին հաջողվել է նանոպորֆիրին անվամբ նանոմասնիկ ստանալ, որը կարող է օգնել քաղցկեղի ախտորոշման և բուժման հարցում: Այս մասին հաղորդում է Meddaily.ru-ն՝ հղում կատարելով SBS-ին:

Դա մոլեկուլների մի փունջ է, որում հիդրոֆիլային «գլխիկները» դեպի դուրս են նայում, իսկ հիդրոֆոբ «պոչիկները»՝ դեպի ներս: Յուրաքանչյուր մոլեկուլում պորֆիրինի օրգանական միացություններ կան: Նորաստեղծ մասնիկները հեշտությամբ մուտք են գործում քաղցկեղածին բջիջներ և կուտակվում այնտեղ:

Հենց դրա շնորհիվ է, որ նրանք կարող են մատչելի դարձնել սքանավորումը՝ բարձրացնելով ուռուցքի կոնտրաստավորումը: 

Գոյություն ունի նանոմասնիկի օգտագործման մեկ այլ տարբերակ ևս՝ մասնիկները բեռնել հակաքաղցկեղային դեղերով կամ դրանք տաքացնել այնպես, որ հնարավոր լինի ուռուցքը ներսից այրել: Արդյունքում քաղցկեղի դեմ գործող ունիվերսալ նանոռոբոտներ են ստացվում:

Հարցեր, պատասխաններ, մեկնաբանություններ