Արյան թեսթը կարող է կանխորոշել մելանոմայի դեպքում մետաստազի ռիսկը

Յելի համալսարանի գիտնականները որոշել են պլազմայի մի շարք բիոմարկերներ, որոնք կարող են կանխորոշել մելանոմայով հիվանդների մոտ մետաստազի ռիսկը: Այս հաստատում է Քլինիքլ Քենսը Րիսըչ (Clinical Cancer Research) ամսագրում տպագրված հոդվածը:
Բժիշկ Հերիեթ Կլյուգերը և նրա գործընկերները ստուգել են 216 մարդկանց,  որոնցից 108-ը` մետաստազային մելանոմայով և 108-ը` հիվանդության առաջին կամ երկրորդ աստիճանով: Նրանք որոշել են պլազմայի ութ բիոմարկերներ՝ CEACAM, ICAM-1, օստեոպոնտին, MIA, GDF-15, TIMP-1 և S100B:

Մետաստազային մելանոմայով հիվանդների մոտ բոլոր ցուցանիշներն ավելի բարձր էին, քան հիվանդության վաղ փուլում գտնվող հիվանդների մոտ: Հիվանդության վաղ փուլում գտնվող հիվանդների 76%-ի մոտ այս բիոմարկերների բարձրացում չկար, այդ նույն ժամանակ մետաստազով հիվանդների 83%-ի մոտ եղել է թեկուզ մեկ բիոմարկերի բարձրացում:

Դոկտոր Կլյուգերը եզրափակեց, որ արդյունքները պետք է հաստատվեն, մինչ դրանք հնարավոր կլինի օգտագործել, սակայն հետազոտությունը խոսում է այն մասին, որ սույն թեսթավորումը հնարավոր է:

Հարցեր, պատասխաններ, մեկնաբանություններ