Սիրային հարաբերությունները 5 ունիվերսալ փուլ ունեն. գիտնականներ. tert.am

Գիտնականներն ուսումնասիրել են սիրային հարաբերությունները և պարզել դրանց զարգացման փուլերն ու ազդեցությունը մարդու օրգանիզմի վրա: Այս մասին հաղորդում է Meddaily.ru-ն:

1-ին փուլը զույգերի՝ իրարով խիստ տարվածությունն է. այդ ընթացքում հետազոտության մասնակիցների 30 տոկոսը նիհարել է, 39 տոկոսն սկսել է պակաս արդյունավետ աշխատել: Այդ ընթացքում թե՛ կնոջ,  թե՛ տղամարդու օրգանիզմում ավելի շատ են արտադրվում տեստոստերոն և էսթրոգեն հորմոնները:

2-րդ փուլում անցնում է նախնական տարվածությունն իրարով, և զույգերն սկսում են ավելի լավ ճանաչել միմյանց ու հարաբերություններ կառուցել: Այդ ընթացքում օրգանիզմն սկսում է մոնոամին արտադրել, որը նպաստում է սրտխփոցի արագացմանը: Այս ընթացքում մարդիկ ավելի մեծ բավարարվածություն են զգում, սակայն հետազոտության ենթարկվածների 44 տոկոսը տառապում է քնի, 29 տոկոսը՝ ուշադրության պակասից:

Հարաբերությունների 3-րդ փուլում համատեղ ապագայի մասին հարցեր են առաջանում: Նոր հարաբերությունների ձևավորումը ոմանց մոտ սթրես է առաջացնում. դա նկատվել է հետազոտության ենթարկվածների 27 տոկոսի մոտ: Պատճառն այն է, որ անհրաժեշտություն է առաջանում թույլատրել նոր մարդու  մուտքը սեփական կյանք:

4-րդ փուլը անկեղծության փուլն է, երբ զույգերը ցուցադրում են իրենց իրական կերպարը, թե ինչպես են վարվում սթրեսի և տագնապի պարագայոմ: Այդ փուլում հետազոտության մասնակիցների 15 տոկոսը հարաբերությունների ճշգրիտ ընտրելու մասին կասկածներ է ունեցել:

Եվ վերջապես՝ 5-րդ փուլն առաջին չորս փուլերում սեփական զգացմունքների վերլուծությունը և վերջնական եզրահանգման գալն է: Այդ ժամանակ հարաբերություններում առաջանում է կայունություն, և մեծանում է վստահության ու մտերմության չափը: Հետաքրքիր է սակայն, որ հետազոտության մասնակիցների միայն 23 տոկոսն է այդ փուլում երջանկություն զգացել:

Հարցեր, պատասխաններ, մեկնաբանություններ