5 եղանակ՝ պարզելու՝ արդյո՞ք ձեր հարաբերություններն առողջ են. tert.am

Վախը ամենապարալիզացնող զգացողությունն է աշխարհում: Հնարավոր է` այն ունի էվոլյուցիոն պատճառներ: Կարո՞ղ ենք մենք արդյոք պատկերացնել մի աշխարհ, որտեղ բոլորը անվախ են: 

Հոգեթերապևտ և բազմաթիվ հոդվածների հեղինակ Էբբի Ռոդմանը The Huffington Post-ում գրում է, որ ուսումնասիրելով մարդկային հարաբերությունները՝ անհրաժեշտ է նաև ուսումնասիրել վախը: Արդյո՞ք մենք մտնում ենք մարդկանց հետ հարաբերությունների մեջ, որովհետև մեզ միայնակ ենք զգում: Արդյո՞ք մենք շարունակում ենք մնալ “անսեր և մեռած” հարաբերությունների մեջ, որովհետև վախենում ենք անխուսափելի հետևանքներից, եթե լքենք միմյանց: Քանի՞ ընտանեկան բռնության զոհեր են շարունակում մնալ բռնի հարաբերությունների մեջ, քանի որ վախենում են իրենց զուգընկերներից:
 
Այս հարցերն է հնչեցնում հոդվածագիրը և ընդգծում, որ դրանց միանշանակ պատասխանը, ամեն դեպքում, սա է՝ հարաբերությունը դադարում է ռոմանտիկ լինելուց, եթե այնտեղ կա վախի մթնոլորտ և վախի զգացում:
 
Շատ անգամ պատահում է նաև այնպես, որ առողջ վախը կարող է փրկել մեր կյանքը կամ պահպանել մեզ որևէ դժբախտ պատահարից: Սակայն սիրային հարաբերություններում վախը և վախի մթնոլորտը անթույլատրելի են: Ահա մի քանի կետեր, որոնցով կարելի է քիչ թե շատ սահմանել՝ արդյո՞ք դուք ապրում եք վախի մթնոլորտում, թե ոչ:
 

1. Վախը, ինչքան էլ պարզ է հնչում, իրականում նշանակում է, որ մենք ինչ–որ բան կամ ինչ–որ մեկին ընկալում ենք որպես վտանգավոր: Վախը որևէ մեկից ավելի հեշտ է զգալ, քանի որ այն առաջացնում է ջղայնություն այդ մարդու նկատմամբ և բացասական անհանգստություն՝ այդ մարդու ներկայությունից:
2. Դուք հետևում եք կանոններին: Այո, բնականաբար կան կանոններ յուրաքանչյուր հարաբերությունների մեջ: Ի՞նչ էինք անելու առանց կանոնների: Սակայն առաջնային հարցը այսպիսին է՝ արդյո՞ք այդ կանոնները սահմանափակող են ավելի, քան՝ օգտակար: Արդյո՞ք ձեր պահվածքը, հագուստի ընտրությունը, խոսքերը, ձեր զուգընկերոջը կատաղեցնում կամ հանում է հունից, և դուք վտանգ եք զգում: Փաստն այն է, որ առանց բռնության և վախի մթնոլորտի հարաբերություններում վերը թվարկվածը բացակայում է:
3. Կա միայն կասկած և անվստահություն: Երբ նա ձեզ զանգահարում է՝ անհանգստություն ու լարվածություն եք զգում: Մինչև վերջ չեք կարողանում արտահայտվել և կիսվել, ստիպված ստում եք, խուսափում եք:
4. Դուք հաճախ մտածում եք փախչելու մասին: Դուք ժամերով պատկերացնում եք թե ինչպես եք հեռանում և ազատվում այդ տհաճ հարաբերությունից: Կամ պատկերացնում եք, թե ինչ կլիներ, եթե ազատ լինեիք: Իրականում անհրաժեշտ է հասկանալ, որ յուրաքանչյուր հարաբերությունից դուրս գալու որոշումը ձեր ձեռքում է, եթե դուք լավ չեք զգում, միանգամայն իրավունք ունեք լքելու այն:
5. Վախը ձեզ ստիպում է լուռ մնալ: Դրա պատճառով ձեր ներքինը չի արտացոլվում արտաքին աշխարհում և ձեր կողքինները հնարավոր է նույնիսկ գլխի չընկնեն, որ դուք երջանիկ չեք կամ ինչ–որ բանից անհանգստանում եք:

 
Առողջ և սիրող զույգի հարաբերություններում վախը և վախի մթնոլորտը պետք է բացակայեն, եզրակացնում է հոդվածագիրը։

Հարցեր, պատասխաններ, մեկնաբանություններ