Գիտակցության շրջանցման համակարգ կամ ինչպես նվաճել կնոջը

Ինչպե՞ս նվաճել կնոջը: Կա՞ն որեւէ չափանիշներ կամ վարքի կանոններ: Իհարկե՝ այո: Պարզվում է՝ կանանց եւ աղջիկների համար անհրաժեշտ է, որ իրենց ընտրյալը ուժ եւ իշխանություն, համառություն եւ համբերատարություն ունենա: Իսկ ահա գեղեցկությունն այնքան էլ կարեւոր չէ: Ավելի լավ է անպարկեշտություն ցուցաբերել եւ փայլել սեքսուալությամբ: Այս մասին առավել մանրամասն կպատմի հոգեթերապեւտ եւ սեքսոպաթոլոգ Արմեն Հովսեփյանը:

«Սեքսուալ խաղը, ինտրիգը, բաց կամ քողարկված սեթեւեթանքը, արկածախնդրությունն այն բաներն են, որոնք արագ արդյունքի են հասցնում:

Գիտակցության շրջանցման համակարգը մեթոդ է, որը նպաստում է նպատակին հասնելուն՝ աղջկան գերել, նրան ստիպել մտածել, որ հենց ձեզ հետ է ցանկանում անցկացնել առաջիկա գիշերը (մի քանի ժամ, 30 րոպե)՝ միեւնույն ժամանակ չանցնելով պարկեշտության սահմանները: Ձեր միջեւ կապը հաստատվում է քողարկված, այնպես, որ ձեր մասին անզուսպ եւ ցոփ մարդու տպավորություն չստեղծվի: Դրանում էլ կայանում է մեթոդի հսկայական առավելությունը. դուք կարող եք սեթեւեթել եւ գրգռել հենց աշխատավայրում, ուսումնական հաստատությունում եւ այլ վայրերում, որոնք, թվում է, ամենեւին էլ նախատեսված չեն «վտանգավոր խաղերի» համար:

Եվ այսպես՝ ո՞րն է իմաստը: Բանն այն է, որ մարդու ուղեղը կարելի է սխեմատիկ կերպով պատկերել շրջանով, որի յուրաքանչյուր կեսը պատասխանատու է մարդու կյանքում ամբողջ գիտակցականի եւ անգիտակցականի համար: Այս կեսերից յուրաքանչյուրը մենք պայմանականորեն եւս երկու մասին կբաժանենք. այն, որ կապված է սեքսի հետ, եւ որ դրա հետ կապ չունի: Այդ կերպ, չորս հատված ստացանք:

Իսկ հիմա տեսնենք, թե ո՞րն է բոլոր գայթակղողների գլխավոր սխալը: Բանն այն է, որ մարդու կյանքի՝ «սեքսի հետ կապված գիտակցական» կողմի համար պատասխանատու հատվածում միշտ, այսպես կոչված, «ստորջրյա քարեր» կան: Դրանք կարող են լինել մանկությունից հաստատված կամ էլ հասարակության կողմից ներդրված հնարավոր բոլոր կարծրատիպերը: Ահա մի քանի օրինակ. «Սեքսի մասին խոսելը պարկեշտ չէ», «հարկավոր է կուսությունը պահպանել մինչեւ հարսանիքը», «ազատությունն անբարոյականության հոմանիշն է»: 

Այսպես, ահա, գիտակցության շրջանցման համակարգը կայանում է նրանում, որ հարկավոր է պարզապես շրջանել «սեքսի հետ կապված գիտակցությունը»՝ որեւէ ստորջրյա քարի դեմ չառնելու համար: Դուք հոգեբան չեք, որպեսզի փորփրեք կանանց վախերը, փորձեք փոխել կանանց: Պետք էլ չէ, երբ ավելի պարզ եւ արդյունավետ ճանապարհ կա:

Այսպիսով, աղջկա զգացմունքների վրա ազդելով՝ կարելի է ենթագիտակցական մակարդակում նրա մոտ ոչ երկիմաստ ցանկություններ առաջացնել: Նման մտքերն աղջկա մոտ առաջանում են ուղեղի որոշակի հատվածում (ընդ որում, բոլոր կանանց մոտ՝ միեւնույն հատվածում)՝ ստիպելով նրան իր զգացմունքների համար ինչ-որ «գիտակից» բացատրություն գտնել:

Այսպես, օրինակ, թե ինչո՞ւ է կոնկրետ մարդու հետ հարցին կարող է հետեւել աղջկա պատասխանը. «Հասկանում եմ, որ նա սրիկա է եւ անպատկառ, բայց այնքան հմայիչ է եւ ինձ ձգում է դեպի իրեն»:

Եվ այսպես՝ բացվող հեռանկարները պարզապես ֆանտաստիկ են, բայց իրականում այս ամենի համար հոգեբանները պատշաճ բացատրություն ունեն:

Հանրահայտ Ֆրոյդը շատ հետաքրքիր փորձ է կատարել. հիպնոսի ենթարկված աղջկան ներշնչել է (այսինքն՝ ազդել է նրա ենթագիտակցության վրա), որ նա մատների հարվածից հետո պետք է անձրեւանոց վերցնի: Երբ աղջկան դուրս է բերել հիպնոսից եւ հարվածել է մատները, աղջիկը մոտեցել է անձրեւանոցին եւ վերցրել այն: Հարցին, թե ինչո՞ւ վերցրեց անձրեւանոցը, աղջիկը պատասխանել է, որ ցանկանում էր տեսնել, այն իրե՞նն է, թե՝ ոչ: Այսպիսով, գիտակցությունն ինքն է գտնում անգիտակից մտքերի բացատրությունը: Այդ կերպ էլ աղջկան հնարավորություն տվեք ինքնուրույն գտնել սեփական ցանկությունների բացատրությունը:

Իսկ հիմա հենց այն մասին, թե ինչպես շրջանցել «գիտակցականը», այսինքն՝ գայթակղել աղջկան: Եվ այսպես, առաջին հերթին հարկավոր է աղջկա հետ զրուցել սեքսի թեմայից շեղող նյութերի շուրջ, վստահություն ստեղծել՝ այդ կերպ շեղելով նրա գիտակցությունը եւ նրան մտածելու թեմա տալով: Հաջորդ փուլում հարկավոր է արթնացնել նրա ենթագիտակցական բնազդները: Այստեղ սկսում են աշխատել մարմնի լեզվի մեթոդները, թափանցող հայացքները, խաղացկուն ժպիտները եւ այլն, եւ այլն: Այնուհետեւ հարկավոր է ուշադիր հետեւել աղջկա վարքագծին, անհրաժեշտ է հստակ որսալ, թե նրա «անգիտակցության» ազդանշանները տրամաբանական արդարացում կգտնեն «գիտակցության» մեջ:

Իսկ հիմա մնում է միայն գործել»:

Հարցեր, պատասխաններ, մեկնաբանություններ