Խաղողի կորիզի հանուկը՝ քաղցկեղի դեմ պայքարի միջոց. news.am

Բիբլիական ժամանակներից ի վեր ենթադրվում է, որ խաղողի չափավոր սպառումը առողջարար հատկություններ ունի: Պատահական չէ, որ հերթական բաժակը բարձրացնելիս փորձառու խմողներն առողջություն են մաղթում միմյանց, հիշեցնում է NewsMax Health-ը:

Plos One բժշկական ամսագրում նկարագրություն գտած հերթական հետազոտության շրջանակում առաջին անգամ վկայություն է ձեռք բերվել առ այն, որ խաղողի կորիզի հանուկը կարող է «հրաշագործ» դերակատարում ապահովել քաղցկեղի դեմ պայքարի շրջանակում եւ, մասնավորապես, էապես նպաստել կոլոռեկտալ քաղցկեղի քիմիաթերապիայի ժամանակ բջիջների ոչնչացման արդունավետությանը: Ավելին, այն նաեւ քիմիաթերապիայի կողմնակի ազդեցությունները նվազեցնելու ներուժ ունի: 

Գիտնականները համոզված են, որ հաստ աղիքի քաղցկեղի բուժման ժամանակ քիմիաթերապիայի՝ խաղողի կորիզի հանուկով հավելումը վերջինիս արդյունավետության խթանման եւ աղիներին պատճառող վնասի նվազեցման անփոխարինելի միջոց է: 

Կոլոռեկտալ քաղցկեղը հիվանդության երկրորդ մահացու տեսակն է Միացյալ Նահանգներում: Այն միայն թոքերի քաղցկեղին կարող է զիջել:

Խաղողի կորիզի հանուկ դեղատներում եւ սուպերմարկետներում, ինչպես նաեւ համացանցում կարող եք գտնել: Այն սովորաբար 50 եւ 100 մգ-անոց պարկուճներով է վաճառվում:

Օրական խորհուրդ է տրվում 150-300 մգ ընդունել:

Հարցեր, պատասխաններ, մեկնաբանություններ