Չինացի գիտնականները նախազգուշացրել են ասեղնակիրառության (ակուպունկտուրայի) վտանգների մասին

Չինացի բժիշկներն անհանգստացած են ասեղնակիրառության հետևանքով ինֆեկցիոն բարդացումների հնարավոր առաջացման վտանգի պատճառով: Փաթրիք Վուի ղեկավարած գիտնականնների խումբը` Հոնկոնգի համալսարանից, այս մասին հոդվածը հրապարակել են «British Medical Journal»-ում, գրել է medportal.ru-ն:

Ուսումնասիրության հեղինակները հիմք են ընդունել միջազգային հետազոտությունները, որոնք նկարագրում են մոտ 50 դեպքեր, երբ ասեղնածակման հետևանքով մարդիկ վարակվել են փափուկ հյուսվածքների թարախային վարակներով: Բացի այդ, 1970-ական թթ., ակուպունկտուրայի հետևանքով աշխարհում գրանցվել է հեպատիտ Բ-ի բռնկման հինգ դեպք, որտեղ վարակվածների ընդհանուր թիվը գերազանցել է 80 մարդ:

Չինացի մասնագետները նշում են, որ 2000-ական թթ., ակուպունկտուրայի պատճառով գրացվել են թոքախտով և ստաֆիլակոկային ինֆեկցիաներով վարակված դեպքեր: Գիտնականներն ընդգծել են, որ այդ ընթացակարգում հեպատիտ С-ով և ՄԻԱՎ-ինֆեկցիաներով վարակվելու մեծ վտանգ գոյություն ունի: Այնուամենայինիվ, ասեղնածակմամբ կլինիկական փորձառության մեջ ՄԻԱՎ-ի փոխանցման դեպք առայժմ գրանցված չէ:

Պրոֆեսոր Վուն նշում է, որ ակուպունկտուրայի անցկացման և հիվանդության առաջացման կապն ակնհայտ չէ, քանի որ շատ վարակիչ հիվանդություններ ունեն երկար ինկուբացիոն շրջան:

Հետազոտողները մասնագետներին կոչ են արել մեծ ուշադրություն ցուցաբերել այն վարակների նկատմամբ, որոնք փոխանցվում են ակուպունկտուրայի հետևանքով և տեղյակ պահել պատկան մարմիներին հիվանդությունների կասկածելի բռնկումների վերաբերյալ: Գիտնականնները հիշեցրել են, որ պետք է չափազանց ուշադիր լինել, և պահպանել հակաբորբոքային կանոնները, մասնավորապես` կիրառել միայն մեկանգամյա օգտագործման ասեղներ, և մաշկը մշակել ախտահանիչ միջոցներով:

Հարցեր, պատասխաններ, մեկնաբանություններ