ԵՄ-ն արգելք է դրել մի շարք բուսական դեղամիջոցների վաճառին

Արգելքը մտցվել է Եվրոպական հանձնաժողովի հրահանգով, որը քննարկվում էր յոթ տարիների ընթացքում: Համաձայն նոր նորմերի, դեղամիջոցներ վաճառող դեղատները պետք է ստանան հատուկ արտոնագրեր, որոնց արժեքը հասել է 200 հազ ԱՄՆ $: Միաժամանակ մտցվել են հավաքման, արտադրման, պահպանման և դեղաբույսերի մանրածախ վաճառքի խիստ պայմաններ: 
Հրահանգի մի դրույթում ասվում է, որ դեղաբույսը կարող է վաճառվել միայն հատուկ թույլտվության առկայությամբ, և եթե այն ԵՄ-ում վաճառքի մեջ է արդեն 30 տարի:  Սակայն նման դեղերի իրացումը հնարավոր է նաև այն դեպքերում, եթե դրանք 15 տարի վաճառվել են ԵՄ տարածքում և ևս 15 տարի` այլ երկրներում:

Ինչպես հայտնել է ԲԻԲԻՍԻ-ն (BBC)` նոր  տնօրինությունը թույլ կտա կառավարել ասիական երկրներից` հատկապես Չինաստանից և Հնդկաստանից, ԵՄ ներմուծվող դեղամիջոցների հոսքը: Այդուհանդերձ` այս միջոցները միշտ չէ, որ անհրաժեշտ փաստաթղթեր են ունենում, որոնք հաստատում են դրանց  իսկական լինելը և արդյունավետությունը: Արդյունքում Եվրոպական հանձնաժողովի հրահանգով ԵՄ շուկայից կանհետանան բազմաթիվ դեղաբույսեր: Բազմաթիվ դեղատների և ոչ ավանդական բժշկական կենտրոնների սեփականատերեր կհայտնվեն սնանկացման եզրին:

Լոնդոնյան «Գարդիան» (Guardian) թերթը գրում է, որ այս արգելքը խնդիր ունի պաշտպանել գնորդներին «ավանադական բժշկության» պոտենցիալ «վնասակար» միջոցներից: Այդ տեղեկության համաձայն` ԵՄ-ում առանց դեղատոմսի վաճառվող բազմաթիվ դեղաբույսեր ունեին բարձր քիմիական ակտիվություն և դեղագործությամբ արտադրված դեղերի հետ միաժամանակյա օգտագործման դեպքում անցանկալի հետևանքներ էին առաջացնում:

Հարցեր, պատասխաններ, մեկնաբանություններ