Ռուսաստանի Դաշնային բժշկակենսաբանական գործակալությունը ներկայացրել է դեղամիջոց կորոնավիրուսի բուժման համար

Ռուսաստանի Դաշնային բժշկակենսաբանական գործակալության «Ֆարմզաշչիտա» գիտաարտադրական կենտրոնը, հաշվի առնելով չինացիների և ֆրանսիացիների փորձը, մշակել է կորոնավիրուսային վարակի բուժման սխեմա հակամալարիային պրեպարատ մեֆլոխինի հիմքի վրա, հաղորդում է վարչության մամլո ծառայությունը:  

«Պրեպարատը բջջային կուլտուրայում բարձր ընտրողականությամբ պաշարում է կորոնավիրուսի բջջաախտաբանական ազդեցությունը և արգելակում է վիրուսի ռեպլիկացիան, իսկ մեֆլոխինի իմունոսուպրեսիվ ազդեցությունը արգելակում է վիրուսի կողմից խթանված բորբոքային պատասխանի ակտիվացումը: Մակրոլիդային հակաբիոտիկների և սինթետիկ պենիցիլինների ավելացումը ոչ միայն արգելակում են երկրորդային բակտերիա-վիրուսային համախտանիշի ձևավորումը, այլ նաև բարձրացնում է արյան պլազմայում և թոքերում հակավիրուսային նյութերի կոնցենտրացիան:  Դա կապահովի ծանրության տարբեր աստիճանի կորոնավիրուսային վարակով հիվանդների արդյունավետ բուժումը», - նշել է Ռուսաստանի Դաշնային բժշկակենսաբանական գործակալության ղեկավար Վերոնիկա Սկվարցովան:

Մշակումներն իրականացվել են հաշվի առնելով Առողջապահության համաշխարհային կազմակերպության ուղեցույցները և ներկայացվել են ներառելու նոր տեսակի կորոնավիրուսային (COVID-19) վարակի կանխարգելման, ախտորոշման և բուժման Ռուսաստանի Դաշնության Առողջապահության նախարարության  մեթոդական ուղեցույցներում:

«Բացի այդ, Ռուսաստանի Դաշնային բժշկակենսաբանական գործակալությունը աշխատանք է տանում մեֆլոխինի հիմքի վրա կորոնավիրուսային վարակի կանխարգելման արդյունավետ և անվտանգ սխեմայի ստեղծման ուղղությամբ, որը հնարավորություն կտա ոչ միայն հաղթահարել հիվանդացության պիկը, այլ նաև ապագայում արդյունավետորեն վերահսկել այն», - ավելացրեց Ռուսաստանի Դաշնային բժշկակենսաբանական գործակալության ղեկավար Վերոնիկա Սկվարցովան:

Հարցեր, պատասխաններ, մեկնաբանություններ