Ավստրալացի գիտնականները փորձարկում են ոջիլների դեմ հայտնի միջոցը, որը կարող է սպանել կորոնավիրուսը 48 ժամվա ընթացքում. MedikForum.ru

Ավստրալիայից գիտնականները հայտնաբերել են, որ բժիշկներին լավ հայտնի «ոջիլի դեմ դեղամիջոցը»՝ հակամակաբուծային իվերմեկտին պրեպարատը, օժտված է նոր տեսակի կորոնավիրուսը ընդամենը 48 ժամվա ընթացքում սպանելու ունակությամբ: Բացառված չէ, որ այն ամենաարդյունավետ միջոցը լինի COVID-19-ի դեմ, գրում է Antiviral Research գիտական պարբերականը:

Ինչպես հաղորդում է  MedikForum.ru, մի քանի օր առաջ հայտնի դարձավ, որ Կենսաբժշկական բացահայտումների ինստիտուտի ավստրալիացի գիտնականները Մոնաշի համալսարանի բազայի վրա՝ Փիթեր Դոերտի Վարակի և իմունիտետի ինստիտուտի աշխատակիցների հետ միասին կարողացան լաբորատոր պայմաններում ապացուցել, որ իվերմեկտինն ունակ է սպանել նոր տեսակի կորոնավիրուսը 48 ժամվա ընթացքում: Մասնագետները հետևեցին, թե ինչպես է դա տեղի ունենում փորձանոթում. դեղամիջոցը բջջային կուլտուրայում արգելակում է կորոնավիրուսային վարակի աճը:  

«Մենք հայտնաբերեցինք, որ պրեպարատի նույնիսկ մեկ դեղաչափը կարող է 24 ժամվա ընթացքում զգալիորեն կրճատել վիրուսային ՌՆԹ-ն, իսկ 48 ժամվա ընթացքում՝ այն լիովին վերացնել», - պատմեցին փորձարկման հեղինակները:

Որպես ոջիլի դեմ դեղմիջոց հայտնի իվերմեկտինը հայտնաբերվել է որպես հակամակաբուծային պրեպարատ 2015 թվականին:  Թե հատկապես որ մեխանիզմն է վերջինիս թույլ տալիս ազդել վիրուսի վրա, դեռևս հայտնի չէ, սակայն անցյալում այն արդեն ապացուցել է իր արդյունավետությունը տարբեր տեսակի վիրուսների դեմ՝ ներառյալ ՄԻԱՎ-ը, գրիպը, Դենգեի և Զիկի վիրուսները: Ներկայումս դեղամիջոցի թեստավորումն իրականացվում է Մելբուրնի Թագավորական հիվանդանոցի բազայի վրա:

Փորձարկումների գլխավոր հեղինակ Քայլի Վագստաֆը նշում է, որ դեռ վաղ է հաղթանակ տոնել, այնուամենայնիվ դեղամիջոցն իրեն լավ դրսևորել է միայն in vitro պայմաններում:

«Իվերմեկտինը ներկայումս լայնորեն կիրառվում է ողջ աշխարհում և համարվում է անվտանգ պրեպարատ, սակայն անհրաժեշտ է պարզել, արդյոք լաբորատորիայում գիտնականների կիրառած դեղաչափն արդյունավետ կլինի մարդու համար: Մեր հաջորդ քայլը դրանում համոզվելն է», –պարզաբանեց Վագստաֆը:  

Հարցեր, պատասխաններ, մեկնաբանություններ