Ցավազրկողների հաճախակի օգտագործումը կարող է բերել ցավի ուժեղացման

Մասնագետների կարծիքով ցավազրկող պրեպարատների ազդեցությունն ուռճացված է և չի համապատասխանում իրականությանը: Գիտնականները հետազոտություն են իրականացրել, որի ժամանակ ուշադրությունը կենտրոնացրել են ցավազրկող պրեպարատների արդյունավետության վրա: Պարզվել է, որ ամիսը 10-15 ցավազրկող հաբ ընդունող մարդիկ սպասված արդյունք չեն ստանում: Պատճառն այն է, որ օրգանիզմն ընտելանում է պրեպարատի բաղադրիչներին և չի արձագանքում դրանց:   

Հաճախ այդ բոլոր պրեպարատները բաղկացած են միևնույն բաղադրիչներից, այդ պատճառով հին պրեպարատները փոխարինելու փորձերը չեն բերում լավ արդյունքի, զգուշացնում են մասնագետները:

Հիմնվելով հետազոտության արդյունքների վրա՝ փորձագետները եկել են այն եզրակացության, որ ցավազրկողների կիրառումը ժամանակի ընթացքում ոչ միայն չի բերում ցավի նվազեցման, այլ նաև ուժեղացնում է այն:

Հարցեր, պատասխաններ, մեկնաբանություններ