Ուղեղի վնասվածքով երեխաներին հակաբիոտիկներով բուժելը կարող է վտանգավոր լինել. news.am

Ուղեղի վնասվածքով 4 տարեկանից փոքր երեխաներին հակաբիոտիկներով բուժելը կարող է բացասաբար ազդել ուղեղի վրա, որը դեռ ամբողջովին չի զարգացել։ Որոշ ժամանակ առաջ գիտնականներն ապացուցել էին, որ որոշակի հակաբիոտիկներ, որոնք ճնշում են ուղեղի արձագանքը, կարող են բարելավել թերապիայի արդյունքները։ Սակայն այս եզրակացություններն արվել են մեծահասակ կենդանիների մասնակցությամբ փորձերի ընթացքում։

Ինչ վերաբերում է երեխաներին, ապա ուղեղի վնասվածքը բուժելիս մինոցիկլին հակաբիոտիկների գործածումը կարող է ուժեղացնել մտավոր դեֆիցիտը։ Նման եզրակացության են հանգել Drexel University-ի գիտնականները լաբորատոր առնետներին հետեւելու ընթացքում։ Հետազոտողները կարծում են, որ 4 տարեկանից փոքր երեխաները, ովքեր ուղեղի վնասվածք ունեն, կարող են հետագայում տառապել հիշողության, ուշադրության ու այլ մտավոր գործառույթների քրոնիկ խնդիրներով։ Նրանց նոր զարգացող ուղեղը տարբերվում է ամբողջությամբ ձեւավորվածից։

Մոնոցիկլինը ներգործում են միկրոգլիաների ակտիվացման հաշվին՝ ուղեղի ու ողնաշարի առաջնային իմունային բջիջներ, որոնք օրգանիզմը պաշտպանում են կողմնակի պաթոգեններից։ Հետազոտողները նորածին առնետներին բուժել են մինոցիկլինով, երեք օր շարունակ նրանց օրական դեղի մեկական մասնաբաժին տալով։ Պարզվել է, որ առնետների ուղեղի ակտիվությունը դրանից չի լավացել։ Իսկ երբ բուժման տեւողությունը ավելացրել են մինչեւ 9 օր, կենդանիների մոտ սկսվել են զգալի խնդիրներ՝ հիշողության ու վարքագծային խանգարումների հետ կապված։

Հետազոտությունը, միանշանակ, ցույց է տալիս փոքր տարիքի համար հակաբիոտիկների բացասական կողմնակի ներգործությունը, քանի որ միկրոգլիաները կարեւոր դեր են կատարում ուղեղի վաղ զարգացման համար։ Հենց այդ բջիջներն են ուղեղը մաքրում մահացած նեյրոններից ու այլ թափոններից, որպեսզի կենդանի նեյրոնները կարողանան նորմալ գործել։

Հարցեր, պատասխաններ, մեկնաբանություններ