Հոլովակը ցուցադրում է հակաբիոտիկների նկատմամբ կայունության զարգացումը (տեսագրություն). news.am

Հարվարդի համալսարանի գիտնականները տպավորիչ տեսանյութ են նկարահանել, թե ինչպես է զարգանում հակաբիոտիկների նկատմամբ կայունությունը: Այն մանրէների էվոլյուցիայի գործընթացը ցուցադրում է 120X60 սմ չափերով հսկայական բաժակի սահմաններում:

Գիտնականները բաժակը լցրել են ագար-ագարի հիմքով ուտելի միջավայրով, որում սովորաբար մանրէներ են առաջանում, եւ այն բաժանել են մի քանի գոտիների՝ կախված տրիմետոպրիմ հակաբիոտիկի խտությունից. ուղղանկյուն բաժակի եզրերին դրա խտությունը նվազագույն էր, իսկ կենտրոնին մոտենալով աճում էր: Այնուհետեւ բաժակի մեջ են դրել աղիքային ցուպիկներ:

Հոլովակում նկատելի է, որ այնտեղ, որտեղ հակաբիոտիկ չկա, մանրէները ակտիվորեն աճում եւ բազմանում են: Սակայն հետո աղիքային ցուպիկները սկսում են ավելի ու ավելի մոտ շարժվել դեպի կենտրոն՝ լցնելով նույնիսկ տրիմետոպրիմի մեծ խտությամբ հատվածները:

Փորձի անցկացման ընդամենը 10-րդ օրն աղիքային ցուպիկները տրիմետոպրիմի հանդեպ դիմադրությամբ են օժտվել. մանրէներն առաջանում էին այնտեղ, որտեղ հակաբիոտիկի խտությունը 1000 անգամ գերազանցում էր նախնական նվազագույն չափաքանակը:

Հարցեր, պատասխաններ, մեկնաբանություններ