Բժիշկները բացահայտել են հակաբիոտիկների գլխավոր վտանգը. 1in.am

Հոլանդացի բժիշկները ցույց են տվել, որ վաղ տարիքում հակաբիոտիկների գործածումը կապված է հետագայում ալերգիկ հիվանդությունների առաջացման վտանգի հետ: Այս մասին հայտնում է EurekAlert! հրատարակությունը:

Գիտնականներն անցկացրել են 1966-2015 թվականներին կատարված 22 գործերի մետավերլուծություն: Հետազոտությունները նվիրված էին կյանքի առաջին երկու տարում հակաբիոտիկների ընդունման ազդեցությանը հետագայում հիվանդությունների, մասնավորապես, մաշկաբորբի և խոտատենդի առաջացման վրա:

Առաջին հիվանդության առաջացման ռիսկերի ուսումնասիրման համար ընտրվել է շուրջ 395 հազար, իսկ երկրորդի համար՝ 257 հազար հիվանդ: Շուրջ 65 հազար հետազոտվողներ միաժամանակ տառապել են վերոնշյալ երկու հիվանդությամբ:

Պարզվել է, որ հակաբիոտիկների վաղ ընդունման պատճառով մաշկաբորբի զարգացման ռիսկը կազմել է 15-41 տոկոս: Այս դեպքում խոտատենդի առաջացման հավանականությունը կազմել է 14-56 տոկոս:

Այնպիսի ալերգիկ հիվանդությունների առաջացման պատճառը, ինչպիսիք են մաշկաբորբը և խոտատենդը, գիտնականները տեսնում են աղիներում միկրոօրգանիզմների քայքայման մեջ, որի պատճառը հակաբիոտիկների գործողությունն է: Իր հերթին դա հանգեցնում է իմունային համակարգի ճնշման, ինչն այն խոցելի է դարձնում ալերգիայի համար:

Հարցեր, պատասխաններ, մեկնաբանություններ