Հակադեպրեսանտներ ընդունող մարդկանց մեծամասնությունը դեպրեսիայով չի տառապում. news.am

Հակադեպրեսանտներ ընդունող մարդկանց 69 տոկոսը երբեք դեպրեսիայով չի տառապել, հայտնում են նոր հետազոտության հեղինակները, որը լույս է տեսել The Journal of Clinical Psychiatry ամսագրում:

Ավելին՝  Johns Hopkins Bloomberg School of Public Health-ի մասնագետների տվյալներով՝ հակադեպրեսանտներ ընդունող մարդկանց 38 տոկոսը երբեք օբսեսիվ-կոմպուլսիվ խանգարումներ չեն ունեցել, ոչ էլ տագնապային խանգարումներ, սոցիալական ֆոբիաներ կամ որեւէ այլ տիպի խանգարումներ:

Հետազոտությունը ցույց տվեց նաեւ, որ 1988 թվականի համեմատ՝ 2008 թվականին հակադեպրեսանտների օգտագործումն աճել է 400 անգամ: Այսօր ԱՄՆ-ում մարդկանց 11 տոկոսն ամեն օր հակադեպրեսանտներ է ընդունում: Բացառված չէ, որ դա խոսում է այն մասին, որ փորձ է արվում բոլոր խնդիրները լուծել հաբերի միջոցով: Մասնագետների խոսքով՝ հոգեբանական օգնությունն ավելի արդյունավետ կլիներ, սակայն հաբերն ավելի էժան են:

Բժիշկ Ռամին Մոջտաբայը եւ վերոնշյալ համալսարանի նրա գործընկերները 1071 կամավոր ներառած հետազոտություն են անցկացրել: Կամավորների 31 տոկոսը հակադեպրեսանտներ են ընդունել: Այս դեղահաբերը նրանց օգնում էին բարելավել տրամադրությունը, հաղթահարել տագնապայնությունը, կենտրոնանալ աշխատանքի վրա, սակայն նրանք կարող են եւ չնկատել, որ հակադեպրեսանտները շատ ուժեղ կախվածություն են առաջացնում:

Գիտնականների խոսքով՝ անհրաժեշտ է որեւէ միջոց գտնել՝ հակադեպրեսանտների չարաշահումը կանխարգելելու նպատակով:

Հարցեր, պատասխաններ, մեկնաբանություններ