Ջրի քլորացումը կարող է հակաբիոտիկների նկատմամբ կայունության պատճառ դառնալ. news.am

Քլորով մշակած ջուրը կարող է հակաբիոտիկների նկատմամբ կայունության պատճառ դառնալ, հայտնում են ԱՄՆ առաջատար գիտաշխատողների խմբի մասնագետները:

Գիտնականները բացառիկ գիտափորձ են անցկացրել, որի արդյունքները ներկայացրել են Ամերիկայի քիմիական ասոցիացիայի 249-րդ նիստին: Պարզվեց, որ քլորացված ջրում կարող են ձեւավորվել նոր, դեռեւս անհայտ հակաբիոտիկներ, եւ դրանց օգտագործումը ջրի հետ միասին կարող է մարդկանց մոտ հակաբիոտիկների նկատմամբ կայունություն ձեւավորել: Այդ պատճառով պետք է ջուրը վարակազերծելու նոր միջոց գտնել:

Ինչպես նշում է Օլյա Կինը Հյուսիային Կարոլինայի համալսարանից, քլորացված ջուրը դեղամիջոցների եւ հակաբիոտիկների հիմնական աղբյուրն է, եւ ջրի վարակազերծումը չի կարող մաքրել ջուրն այս բոլոր նյութերից:

Բժիշկ Քինն ու նրա գործընկերները մի շարք լաբորատոր փորձարկումներ են իրականացրել քլորով եւ դոքսիցիկլինով մշակած ջրի հետ: Պարզվել է, որ դոքսիցիկլինի ավելացումը քլորացված ջրին ուժեղացնում էր վերջինիս հակաբիոտիկ հատկությունները:

Հիշեցնենք, որ հակաբիոտիկների նկատմամբ կայունությունը ժամանակակից գիտության լրջագույն խնդիրներից է: ԱՀԿ մասնագետների խոսքով՝ եթե չլուծվի կայունության հարցը, մոտ ապագայում հասարակ բակտերիաները կարող են մահաբեր դառնալ:

Հարցեր, պատասխաններ, մեկնաբանություններ