Գիտնականները ճարպակալման դեմ գերարդյունավետ դեղորայք են փորձարկում. 1in.am

Հարվարդի համալսարանի ուսումնասիրողները կարողացել են գտնել օրգանիզմի ճարպային բջիջները «ճարպեր այրող» հյուսվածքով փոխարինելու միջոց: Այսպիսով, դեղագործները շուտով կկարողանան դեղորայք ստեղծել, որը արագ և անվտանգ կլուծի ավելորդ քաշի խնդիրը, գրում է hitech.vesti.ru-ն:

Վերջին ուսումնասիրությոնները ցույց են տվել, որ օրգանիզմում երկու տիպի ճարպային հյուսվածքներ կան: Ճարպակալման առաջացման համար պատասխանատու են ճարպային սպիտակ հյուսվածքները, որոնք լիպիդների տեսքով պահպանում են էներգիան: Միևնույն ժամանակ, գոյություն ունեն դարչնագույն հյուսվածքներ, որոնք պատասխանատու են ինսուլինի արտազատման համար: Դարչնագույն ճարպային հյուսվածքn օգնում է «սպիտակ ճարպի» քայքայմանը:

Այսպիսով, մարդիկ, որոնց օրգանիզմը հարուստ է դարչնագույն ճարպով, ավելի արագ նյութափոխանակություն ունեն և հազվադեպ են տառապում ճարպակալումից:

Պրոֆեսոր Չադ Կովանը և Հարվարդի համալսարանի նրա գործընկերները մեթոդ են մշակել, որը սպիտակ «վատ» ճարպը դարչնագույնով է փոխարինում:

Ներկա պահին նոր միջոցը ակտիվորեն փորձարկվում է մկների վրա, սակայն մարդկանց վրա փորձարկումները դեռ հեռու են:

Հարցեր, պատասխաններ, մեկնաբանություններ