Ասպիրինը՝ վիժման ռիսկը նվազեցնելու միջոց. news.am

34-ամյա Սառա Բրոուդֆիլդի հետ տեղի ունեղած դեպքը ապացույցն է այն բանի, որ ասպիրինը վիժման ռիսկը նվազեցնելու հատկություն ունի: Կինը գրեթե 10 տարի արտամարմնային բեղմնավորմամբ հղիանալու անհաջող փորձեր է արել, այդ ընթացքում էլ՝ երկու վիժում ունեցել:

Այնուամենայիվ, ի վերջո մայրանալու բերկրանքը վայելել է՝ ողջ հղիության ընթացքում ամեն օր սովորական ասպիրինի դեղահաբ ընդունելու շնորհիվ, հաղորդում է The Daily Mail-ը:

Բժշկական հետազոտությամբ պարզվել էր, որ կնոջ մոտ ի հայտ եկող խնդիրների պատճառը չափազանց խիտ արյունն է, ուստի, ասպիրին նշանակելուց բացի, թերապեւտները ստիպված էին նաեւ արյան մակարդելիության մակարդակը նվազեցնող դեղամիջոցի ամենօրյա ներարկումներ առաջարկել: Ախտորոշմամբ Սառայի մոտ թրոմբների ձեւավորման եւ վիժման ռիսկի աճ ենթադրող իմունային խանգարում՝ հակաֆոսֆոլիպիդային համախտանիշ էր հայտնաբերվել:

Նմանատիպ դեպքերում արյունը նոսրացնելու հատկությամբ աչքի ընկնող ասպիրինն օգտակար կարող է գտնվել: Եվ այդուհանդերձ, պատճառը, թե ինչու կինը մինչ այժմ չէր կարողանում հղիանալ, շարունակում է անհասկանալի մնալ բժիշկների համար: Հակաֆոսֆոլիպիդային համախտանիշը, համաձայն վիճակագրության, բազմակի վիժման եւ խորը երակների թրոմբոզի յուրաքանչյուր վեցերորդ դեպի պատճառ է:

Ինչ վերաբերում է ասպիրինին, այն վաղուց է երակային անոմալիաների դեմ կանխարգելիչ նկատառումներով կիրառվում: Հիմքեր կան նաեւ ենթադրելու, որ ասպիրինը կարող է քաղցկեղի առաջացման ռիսկը եւս նվազեցնել:

Հարցեր, պատասխաններ, մեկնաբանություններ