Ունիվերսալ դեղամիջոց` բոլոր հիվանդությունների դեմ. ankakh.com

Լոնդոնի կայսերական քոլեջի գիտնականները սովորել են այն էնզիմներն «անջատելու» եղանակը, որոնք պատասխանատու է Ալցհեյմերի ու մյուս անբուժելի հիվանդությունների զարգացման համար ու կարծում են, որ 10 տարում կարող են մի դեղամիջոց մշակել բոլոր այդ հիվանդությունների դեմ պայքարելու համար:

Այդ էնզիմն անդառնալիորեն փոփոխում է այն սպիտակուցները, որոնք վնասված բջջին ստիպում են մահանալ ու նաև նպաստում դրանց բազմացմանը: Իսկ այդ ամենի հետևանքում հիվանդությունը սկսում է զարգանալ: Էնզիմն է պատասխանատու նաև այն բանի համար, որ քիմիաթերապիան այլևս քաղցկեղի վրա չի ազդում: Հայտնի է նաև, որ էնզիմն է կապված Ալցհեյմերի հիվանդության զարգացման հետ:

Մասնագետներին հաջողվել է ավելի քան 100 սպիտակուց նույնականացնել, որոնց հետ փոխազդում է այդ էնզիմն ու հայտնաբերել մոլեկուլը, որը հանդես է գալիս որպես «անջատիչ»: Այս հայտնագործությունը նոր ուղի է հարթում դեղերի մշակման գործում, իսկ դեղերը, որ հույս ունեն ստեղծել գիտնականները դրա արդյունքում, կարող են բուժել քաղցկեղը, Ալցհեյմերի հիվանդությունն ու դիաբետը:

Ի դեպ, մի քանի տարի առաջ, գիտնականների իրարից անկախ 2 խումբ հայտնաբերեց, որ Metformin-ը, որը սովորաբար կիրառվում է դիաբետի դեմ պայքարի նպատակով, մի կողմից օգնում է կանխելու ուղեղում առանցքային շողումները` կապված Ալցհեյմերի հիվանդության հետ, մյուս կողմից ճնշում է չարորակ գոյացությունների աճը:

Հարցեր, պատասխաններ, մեկնաբանություններ