Նիհարեցնող հաբերը կարող են անդառնալի հետևաքների հանգեցնել. tert.am

Հայտնի Garcinia cambogia հավելումը նպաստում է քաշի նվազեցմանը, սակայն վտանգավոր է հակադեպրեսանտ ընդունող մարդկանց համար: Այս մասին հաղորդում է Meddaily.ru-ն՝ հղում կատարելով Live Science-ին:

Գիտնականներն ուսումնասիրել են 35-ամյա կնոջ դեպքը, ով կենսաքիմիական սննդային հավելումներն (ԿՍՀ) ու Garcinia cambogia-ն հակադեպրեսանտների հետ զուգահեռ օգտագործել է 2-3 ամսվա ընթացքում:

Կինը սկսել է կակազել, նրա մոտ ավելացել է քրտնարտադրությունը, արագացել է սրտի աշխատանքը, բարձրացել է արյան ճնշումը, ինչպես նաև՝ ոտքերի հատվածում ակամա մկանային ջղաձգություններ են նկատվել: Այս ամենը սերոտոնինի բարձր ցուցանիշների վկայությունն է:

Ավելի վաղ կատարված ուսումնասիրությունները ցույց են տվել, որ իրականում Garcinia cambogia-ն ի վիճակի է բարձրացնել սերոտոնինի կոնցենտրացիան: Հակադեպրեսանտները ևս նույն գործառույթն են իրականացնում, իսկ արդյունքում առաջանում է թունավորում:

Հարցեր, պատասխաններ, մեկնաբանություններ