Կանանց թույլատրել են օդանավով թռչել հղիության ցանկացած ժամկետում

Հղի կանայք կարող են անվտանգ ճանապարհորդել օդային տրանսպորտով հղիության ցանկացած ժամկետում, եթե, իհարկե, հղիությունն ընթանում է առանց բարդությունների: Նման եզրահանգման է եկել «Մանկաբարձների և գինեկոլոգների ամերիկյան քոլեջ» կազմակերպության փորձագիտական հանձնաժողովը, տեղեկացնում է «Լենտա.ռու»-ն:

Մասաչուսեթսի քաղաքային հիվանդանոցի թերապևտ Վիլյամ Բարտն ասել է, որ 2001-ին անցկացված մի շարք ուսումնասիրությունների արդյունքները ցույց են տվել, որ օդանավով ճանապարհորդությունը անվտանգ է նորմալ հղիություն տանող կնոջ համար:

Վերոնշյալ կազմակերպության մասնագետները ապագա մայրերին հիշեցնում են, որ նրանք պարտավոր են պահպանել անվտանգության ընդհանուր նորմերը, որոնք նախատեսված են բոլոր ուղևորների համար: Այդ թվում, երակներում արյան խցանումից խուսափելու համար մասնագետները հղիներին խորհուրդ են տալիս շարժել ոտքերը, հագնել լայն զգեստ, շատ հեղուկ խմել, ինչպես նաև կանգնել և քայլել օդանավի սրահի երկայնքով:

Հարցեր, պատասխաններ, մեկնաբանություններ