Հիվանդությունների 40 տոկոսի դեպքում պատճառը գեներն են, 25 տոկոսի դեպքում՝ վնասակար սովորությունները. armeniamedicalcenter.am

Եվ այսպես, ի՞նչն է մեր հիվանդությունների պատճառը՝ արտաքին իրավիճակնե՞րը, թե՞ գեները: Ախտաբանությունների 40 տոկոսն առաջացնում է միայն ԴՆԹ-ն, իսկ 25 տոկոսը զարգանում են արտաքին պայմանների ազդեցության պատճառով, ինչպես ցույց է տվել զույգերի մասնակցությամբ անցկացված ամենախոշոր հետազոտությունը:

Այդ բնույթի ամենամասշտաբային հետազոտությունը հնարավորություն տվեց ստանալ այն հարցի պատասխանը, որը դարերով հուզում է գիտությանը՝ ի՞նչն է հիվանդությունների պատճառների հիմքը, ինչ-որ շեղումներ ԴՆԹ-ու՞մ, թե՞  արտաքին իրավիճակները: Հարվարդի համալսարանի գիտնականները հետազոտել են 35 մլն ամերիկացիների, ներառյալ` 1000 զույգ երկվորյակների մասին տեղեկատվությունը, որոնք հսկել և պահպանել են 24 տարուց ավելի: Այդ հետազոտությունը թույլ տվեց պատասխանել այն հարցին, թե ինչպիսի՞ հիվանդություններն են առաջանում գենետիկորեն, իսկ ինչպիսիները՝ արտաքին միջավայրի ազդեցությամբ:

Պարզվել է, որ հիվանդությունների մեծամասնությունը երկու հիմնական իրավիճակների արդյունք է, այն է՝ վատ ժառանգականության և արտաքին գործոնների զուգակցումը: Հատկապես արտաքին գործոններն են ընդունակ ազդել մեր գեների արտահայտման վրա, բայց գեներն իրենք էլ ազդեցություն են գործում այն բանի վրա, թե մեր օրգանիզմն ինչպես կարձագանքի արտաքին գործոններին: Եվ, այնուամենայնիվ, ինչպես ցույց է տվել հետազոտությունը, հիվանդությունների 40 տոկոսը վատ ժառանգականության, կամ ԴՆԹ-ի յուրահատկությունների արդյունք է: Ընդ որում, հիվանդությունների 25 տոկոսն առաջանում են բացառապես արտաքին պայմանների պատճառով, ներառյալ` վնասակար սովորությունները, ոչ ճիշտ ապրելակերպը, սխալ սնունդը, սթրեսը և այլն:

Մեդիկ Ֆորումը հիշեցնում է, որ մարդն այլ կենդանիների նման, ավելին է, քան ԴՆԹ-ի պարզ համակցումը: Մեզանից յուրաքնչյուրի գեներն առանձնահատուկ են, իսկ արտաքին միջավայրը, որտեղ մենք զարգանում ենք, առավել առանձնահատուկ է: Հատկապես, որ այն մշտապես փոփոխվում է: Հենց դա էլ դժվարացնում էր հետևյալ հարցի ճշգրիտ պատասխանը գտնելուն՝ հիվանդությունների պատճառը գենե՞րն են, թե՞ արտաքին իրավիճակները: Միայն, երբ օգնության եկան երկվորյակները՝ ներառյալ միաձվանի երկվորյակները, հնարավոր դարձավ, միանշանակ, տեսնել ժառանգականության ազդեցության աստիճանը:

Հարցեր, պատասխաններ, մեկնաբանություններ