Ինչո՞ւ է հորանջը վարակիչ

Հորանջելու վարակիչ լինելու պատճառը հոգեբանական ենթատեքստ ունի: Տարիներ առաջ Դրեքսելի (Ֆիալդելֆիա) համալսարանի մասնագետները հետազոտություն են անցկացրել: Նրանց ցուցադրել են հորանջող մարդկանց ու հետևել փորձարկվողների արձագանքին: Ոմանք, էկրանին նայելով, սկսել են հորանջել, մյուսներն ավելի կամ նվազ անտարբեր են եղել: Կախված բոլոր փորձարկվողների արձագանքից` մասնագետները երկու խումբ են առանձնացրել ու հոգեբանական թեստ անցկացրել: Պարզվել է` նրանք, ովքեր հեշտությամբ «վարակվել» են ուրիշի հորանջից, ավելի հակված են շրջապատողների հետ կապեր հաստատելու: Այլ կերպ` որքան մարդը շփվող է, այնքան հակված է «ընկերովի» հորանջելու: Ի դեպ, շիզոֆրենիայով տառապող մարդիկ համեմատաբար ավելի քիչ են հորանջումը:

Բացի այդ, Մերիլենդի համալսարանում 1989-ին անցկացված հետազոտության համաձայն,հորանջելու վարակը կապ չունի, թե դիտողն ինչ անկյան տակ է նայում հորանջողին: Ամեն դեպքում, պատասխան հորանջը համակրելու, հավանության նշան է:

Հարցեր, պատասխաններ, մեկնաբանություններ