Միլանում փորձարկվել է ապագայի առաջին բարձրտեխնոլոգիական սուպերմարկետը (լուսանկար). tert.am

Իտալական Միլան քաղաքում փորձարկվել է ապագայի առաջին սուպերմարկետը, որը համալրված է տեխնոլոգիական առաջընթացի մի շարք նորարարական լուծումներով: Ինչպես հայտնում է italia-ru.com-ը, բարձրտեխնոլոգիական խանութն էականորեն տարբերվում է ներկայիս սուպեր և հիպերմարկետներից: Հետաքրքրական է, որ դրանում ներկայացված ապրանքներից և ոչ մեկը չունի պիտակ, քանի որ այնտեղ ամեն ինչ հիմնված է բարձր տեխնոլոգիաների վրա:

Աղբյուրը մանրամասնում է, որ հատուկ հավելվածի ներբեռնման դեպքում կարելի է սմարթֆոնը պահել  հավանած ապրանքի վրա ու էկրանին տեսնել դրա վերաբերյալ անհրաժեշտ բոլոր տեղեկությունները՝ գինը, պիտանելիության ժամկետը և այլն:

Նշվում  է, որ նորարարական սուպերմարկետը գտնվում է միլանցիների շրջանում ամենահայտնի առևտրի կենտրոններից մեկում:

Հարցեր, պատասխաններ, մեկնաբանություններ