Կրակի գաղտնիքի բացահայտումը կարող էր մարդկության տուբերկուլոզային վարակի պատճառ դառնալ. գիտնականներ. 1in.am

Մեր նախնիների կողմից կրակի յուրացման անսպասելի հետևանք կարող էր լինել տուբերկուլոզի հայտնվելը. տուբերկուլոզի ցուպիկի (կամ Կոխի ցուպիկ) էվոլյուցիային և մարդու օրգանիզմ դրա ներթափանցմանը կարող էին նպաստել խարույկների մոխիրը և ծուխը, որոնք գրգռել են նրանց թոքերը: Այս մասին ասվում է PNAS ամսագրում հրապարակված հոդվածում:

Դարեն Կարնոն և նրա գործընկերները՝ Նոր Հարավային Ուելսի համալսարանից, բացահայտել են տուբերկուլյոզի առաջացման յուրահատուկ պատմությունը և դրա առաջացումը կապել են մարդկության մշակութային էվոլյուցիայի հետ՝ վերլուծելով այն, ինչ փոխվել է մարդկության կյանքում տուբերկուլոզի առաջացման ենթադրյալ ժամանակի ընթացքում՝ մոտավորապես 70 000 տարի առաջ:

Գիտնականների խոսքով՝ այդ ժամանակաշրջանի գլխավոր «գիտական բացահայտումը» եղել է կրակի յուրացումը և դրա օգտագործումը տաքանալու, սնունդ պատրաստելու, գիշատիչներին վախեցնելու համար: Ժամանակակից պատկերացումներով՝ մարդիկ կրակը սկսել են ակտիվորեն օգտագործել 300-400 000 տարի առաջ:

Կարնոյի խոսքով՝ կրակը բացի դրական կողմերից ունեցել է նաև բացասական կողմ՝ կրակների ծուխն ու մոխիրը, հատկապես քարանձավներում և այլ փակ տարածություններում, որոնք մշտապես հայտնվել են հին մարդկանց թոքերում՝ գրգռելով դրանք և թուլացնելով նրանց իմունիտետը: Այդ թուլացումից, ինչպես ենթադրում են գիտնականները, կարող էին օգտվել Կոխի ցուպիկի նախնիները, որոնք սկզբում հարմարված չեն եղել մարդկանց վարակելու և օդակաթիլային ճանապարհով տարածվելու համար:

Գիտնականներն այս վարկածը ստուգել են հին մարդկանց ցեղի համակարգչային մոդելի միջոցով, որոնց մի մասն իր մեջ ունեցել է Mycobacterium tuberculosis-ի ենթադրյալ նախնու սպորներ:

Հետևելով, թե մարդկանց այդ խմբերն ինչպես են վարակվել մանրէներով, և միկրոբներն ինչպես են էվոլյուցիայի ենթարկվել դրանց պոպուլյացիայում, գիտնականները եզրակացրել են, որ կրակը զգալիորեն մեծացրել է ապագա տուբերկուլոզի ցուպիկով վարակվելու հաճախականությունը, ինչպեսև դրա գենոմում մուտացիաների կուտակման արագությունը:

Հարցեր, պատասխաններ, մեկնաբանություններ