Մարմնում որտեղ են կուտակվում մարդու առողջության համար վտանգավոր նյութերը. tert.am

Մարդու առողջության համար վտանգավոր քիմիական նյութերը կուտակվում են նրա մազերի և եղունգների մեջ: «Գազետա»-ն հայտնում է, որ նման եզրակացության են եկել ԱՄՆ-ի Ինդիանայի համալսարանի գիտնականները: Պլաստմասսայում, փայտանյութում, տեքստիլ արտադրանքում առկա հակահրդեհային քիմիական նյութերը կարող են, մասնավորապես, նեյրոնային խանգարումներ, ճարպակալում առաջացնել, ինչպես նաև՝ թունավոր ազդեցություն ունենալ մարդու վերարտադրողական ֆունկցիայի վրա:

Ամերիկացի գիտնականները հետազոտության շրջանակներում ուսումնասիրել են հիսուն ուսանողների մազերի և եղունգների նմուշներ: Կանանց դեպքում քիմիական նյութերի կուտակումն ավելի մեծ է եղել, ինչը հնարավոր է՝ կապված է եղունգների լաքի օգտագործման հետ:

Ավելի վաղ գիտնականները պարզել էին, որ հակահրդեհային քիմիական նյութեր կան աշխարհի բոլոր ծառերում, նույնիսկ այնպիսի հեռավոր շրջաններում, ինչպիսիք են Նեպալը, Թասմանիան և այլն:

Հարցեր, պատասխաններ, մեկնաբանություններ