Գիտնականները հայտնաբերել են սպիտակուց, որը կօգնի մարդկությանը փրկել սովից. 1in.am

Հետազոտողները պարզել են, որ բույսերի օրգանիզմը նախկինում գիտությանն անհայտ հատուկ սպիտակուց է արտադրում, որը բույսին օգնում է հաջողությամբ զարգանալ աղի բարձր պարունակությամբ հողերում: Գիտնականները նշում են, որ բացահայտումը հնարավորություն կտա ապահովել գյուղատնտեսության արդյունավետ տեսլականը խնդրահարույց հողեր ունեցող տարածաշրջաններում, ինչն ապագայում կարող է զգալի դեր խաղալ մարդկությանը սովից փրկելու գործում: Հետազոտության տեքստը հրապարակվել է Cell ամսագրում:

Հոդվածի առաջատար հեղինակ պրոֆեսոր Ստեֆան Փերսոնը մեկնաբանում է. «Ակնկալվում է, որ մինչև 2050թ. մեզ անհրաժեշտ կլինի սննդի արտադրությունն ավելացնել 70%-ով՝ կերակրելու Երկրի վրա ծնվող 2.3 մլրդ մարդու: Հողերի աղիությունը գլխավոր գործոնն է, որը խանգարում է այդ առաջադրանքի կատարմանը, քանի որ մինչև 2050թ. վարելահողերի ավելի քան 50%-ը կարող է շատ աղիանալ: Ուստի գենետիկ մեխանիզմների որոնումը, որոնք բույսերին օգնում են պայքարել այդպիսի պայմանների դեմ, չափազանց կարևոր առաջադրանք է»:

Գիտնականներին հաջողվել է բույսերի օրգանիզմում հայտնաբերել պրոտեինի յուրահատուկ տիպ, որը ստացել է СС-սպիտակուց անվանումը: Եթե բույսն աճում է շատ աղի հողում, ակտիվանում է հատուկ գեն, որը կարգավորում է СС-սպիտակուցի արտադրությունը: Այդ պատճառով բույսի բջիջներն այլ կերպ են զարգանում՝ ավելի խոշոր և ամուր պատյան ստեղծելով ցելյուլոզայից: Հենց դա էլ բույսին օգնում է դիմանալ և զարգանալ աղի հողում:

Հարցեր, պատասխաններ, մեկնաբանություններ