ՁԻԱՀ-ի դեմ պայքարի 15 տարում մոտ 8 մլն կյանք է փրկվել. ՄԱԿ. 1in.am

Վերջին 15 տարում միջազգային հանրության կողմից ընդունված ՁԻԱՀ-ի դեմ պայքարի միջոցառումները հանգեցրել են հիվանդացության 35 տոկոսվ նվազման։ Մահացությունն այդ հիվանդությունից նվազել է 41 տոկոսով։ Փրկվել են 7.8 մլն կյանքեր և կանխվել վարակման 30 մլն դեպք։ Նման տվյալներ են ներկայացված ՄԻԱՎ-ՁԻԱՀ-ի հարցով ՄԱԿ-ի միացյալ ծրագրի զեկույցում (UNAIDS)՝ փոխանցում է TASS գործակալությունը։

Մասնագետների գնահատականներով՝ 2000 թվականից ՄԻԱՎ-ՁԻԱՀ-ի տարածումը կանխելու միջոցառումների վրա աշխարհում ծախսվել է մոտ 187 մլրդ դոլար։ Ինչպես նշվում է փաստաթղթում՝ դա գլոբալ առողջապահության ու զարգացման գործում խելամիտ ներդրման օրինակ է։

Հետազոտության հեղինակները հիշեցնում են, որ 2000 թվականին ՄԻԱՎ վարակակիրների թիվն ամեն օր ավելացել է 8500-ով, իսկ 4300 մարդ ամեն օր մահացել է։ Այս ժամանակվանից վարակման նոր դեպքերը տարեկան 3.1 միլիոնից կրճատվել են 2 միլիոնի։

Մինչև 2014 թվականը 83 երկրներ, որոնց բաժին է ընկնում ՄԻԱՎ վարակակիր մարդկանց 83 տոկոսը, դադարեցրել են համաճարակը։ Դա վերաբերում է, մասնավորապես, այնպիսի պետությունների, ինչպիսիք են՝ Հնդկաստանը, Քենիան, Մոզամբիկը, ՀԱՀ-ն ու Զիմբաբվեն։

Հարցեր, պատասխաններ, մեկնաբանություններ