Տարեց աշխատակիցներն ավելի հազվադեպ են հիվանդանում, քան՝ երիտասարդները. 1in.am

Ապահովագրական RIAS գործակալության կատարած հետազոտությունները պարզել են, որ երիտասարդ մարդիկ 2 անգամ ավելի շատ են ներկայացնում անաշխատունակության թերթիկ, քան տարեցները: Բացի այդ, նրանք հաճախ հիվանդ են ձևանում` աշխատանքի չգնալու համար:

Անցյալ տարի 50 տարեկանից բարձր աշխատակիցների 25 տոկոսն է վերցրել անաշխատունակության թերթիկ, իսկ 20-39 տարեկանների` 50 տոկոսը: Այս մասին հայտնում է The Telegraph-ը:

20-39 տարեկանների համարյա 1/3-ը հիվանդաթերթիկը համարել է լրացուցիչ արձակուրդ, որին իրենք արժանի են: Երիտասարդների 44 տոկոսը և ավագների 12 տոկոսն են հիվանդ ձևացել: Ստի պատճառը եղել է հարբած լինելը, գործընկերոջը հանդիպել չցանկանալը, բայց մեծամասնությունը պարզապես չի կարողացել արթնանալ գերհոգնածության պատճառով:

Հետազոտողները ենթադրում են, որ տարիքով մարդիկ ավելի շատ են ուզում պահպանել իրենց աշխատատեղերը, քան՝ երիտասարդները:

Հարցեր, պատասխաններ, մեկնաբանություններ