Երկրի մթնոլորտի օզոնային անցքը փոքրանում է, և կանհետանա 21-րդ դարի վերջում. NASA. 1in.am

Գիտնականները վստահ են, որ օզոնային անցքերը, որոնք դեռ 30 տարի առաջ անվանվել էին խոշորագույն էկոլոգիական խնդիր, շուտով կարող են ամբողջությամբ անհետանալ:

NASA-ի մասնագետները հերթական ուսումնասիրությունն են իրականացրել, որը ցույց է տվել, որ օզոնային անցքի չափերը կրճատվում են, և հնարավոր է, որ մինչև 100-ամյակի ավարտը այդ խնդիրը հնարավոր կլինի ջնջել մարդկության գլոբալ էկոլոգիական խնդիրների ցուցակից:

Հիշեցնենք, որ օզոնային անցքը գիտնականների կողմից հայտնաբերվել էր 1985-ին, Անտարկտիդայի հետազոտման ժամանակ: Այդ ժամանակ էլ հայտնի դարձավ, թե որքան է մարդու համար վտանգավոր օզոնային շերտի վերացումը, և որ այն բերում է մարդու համար վտանգավոր ճառագայթման:

Հաշվի առնելով իրավիճակի ողջ լրջությունը 1987-ին ստորագրվել էր Մոնրեալի արձանագրությունը, որից հետո օզոնը քայքայող քիմիական նյութերը փոխարինվել են այլընտրանքային, անվտանգ նյութերով:

Ինչպես երևում է, շնորհիվ ձեռնարկած միջոցառումների, օզոնային անցքը, որի չափերը կազմում են 12 մլն քառակուսի մղոն, արդեն սկսել է կրճատվել՝ առաջիկա 30 տարվա ընթացքում այն կնվազի մինչև 8 մլն քառակուսի մղոնի, իսկ դարի վերջում՝ կարող է ի սպառ վերանալ:

Հարցեր, պատասխաններ, մեկնաբանություններ