Գիտնականները կազմել են իսլանդացիների գենետիկական ծածկագրի ամբողջական քարտեզը. 1in.am

Կենսաբաններն Իսլանդիայում կազմել են երկրի ամբողջ բնակչության գենետիկական ծածկագրի քարտեզը՝ 100 հազար մարդու ԴՆԹ-ների համադրման ուղով, որոնց մոտ պահպանվել է նախնիների մասին առավել ամբողջական տեղեկատվություն։ Այս մասին հայտնում է BBC-ն։

Ինչպես նշում են գիտնականները՝ հավաքված տեղեկությունները կօգնեն որոշելու ռիսկերը՝ կապված ժառանգական հիվանդությունների հետ, մասնավորապես՝ Ալցհեյմերի հիվանդության։

Նախագծի ընթացքում որոշ փորձագետների մտահոգել է նման տեղեկատվության հավաքման հարցի էթիկական կողմը, և թե արդյոք այն ներխուժում չէ՞ անձնական կյանք։

Մի շարք գենետիկներ արված աշխատանքը գնահատել են որպես «մոնումենտալ» և «առաջնակարգ»։

Ամբողջ կղզու գենոմի մասին տվյալները 1996 թվականից հավաքել է Ռեյկյավիկի deCODE genetics ընկերությունը։ 2009-ին այն իրեն սնանկ է հայտարարել, որից հետո ընկերությունը գնել է ամերիկյան բիոդեղագործական Amgen հսկան։

Հարցեր, պատասխաններ, մեկնաբանություններ