Ֆրանսիայում միսը տարբերակելու «պիտանելիության թեստ» են ստեղծել. 1in.am

Ֆրանսիական Capital Biotech ընկերությունը «պիտանելիության թեստ է մշակել», որը մուսուլմաններին կօգնի որոշել, թե ինչ կենդանու միս են նրանք օգտագործում սննդում կամ պարզել ըմպելիքում ալկոհոլի առկայությունը:

Այս մասին հաղորդում է The Local-ը: Մասնավորապես` թեստը թույլ կտա ուտեստի մեջ հայտնաբերել խոզի միսը, որն արգելված է իսլամում:

«Պիտանելիության թեստի» վրա երկու գծիկ կա: Մեկը նշանակում է ուտելիքում «արգելված» բաղադրիչ տարրերի բացակայությունը, երկուսը` առկայությունը: Մթերքը թեստավորելու համար անհրաժեշտ է դրա մի կտորը դնել տաք ջրով բաժակի մեջ, ապա որոշ ժամանակ անց սկսել թեստավորումը:

Մեկ թեստն արժե 6.9 եվրո, իսկ մեկ տուփը` 125 եվրո:

Հավելենք նաև, որ դրա հեղինակը ծննդով ալժիրցի, 25-ամյա Աբդերռահման Շաուին է:

Հարցեր, պատասխաններ, մեկնաբանություններ