Բժիշկները աստվածային հրաշք են համարել տղայի փրկությունը, ում մեջ ամրան էր խրվել

Բրազիլիացի վիրաբույժները Մակաե քաղաքից հաղորդել են, որ վկա են դարձել աստվածային հրաշքի, երբ 10-ամյա երեխան փրկվել է: Հաղորդում են, որ 2014թի փետրվարի 8-ին 10-ամյա Վեւերթոն Սիլվան գուավա էր հավաքում, երբ հանկարծ կորցրել է հավասարակշռությունը եւ ընկել ցցված ամրանի վրա: 60 սանտիմետրանոց ցիցը խրվել է տղայի պարանոցի մեջ ու դուրս եկել աջ ականջի կողմից:

Տուժածի հարազատներն անմիջապես շտապօգնություն են կանչել: Դեպքի վայր հասած բժիշկները զգուշությամբ  երեխային ամրանի կտորի հետ միասին տեղափոփել են մեքենա:

Երբ բժիշկները տեսել են պարանոցից դուրս ցցված ամրանը, չեն հավատացել իրենց աչքերին, քանի որ չնայած լուրջ վնասվածքին, հիվանդի դրությունը բավարար էր, հաղորդում է FederalPost-ը՝ վկայակոչելով Mirror-ին:

Ռենտգենային լուսանկարից հետո վիրաբույժներն անցել են վիրահատության՝ դուրս բերելու 60 սանտիմետրանոց ձողը: Մասնագետների խոսքով՝ նրանք զգուշանում էին կարեւոր զարկերակները վնասելուց: Բարեբախտաբար հինգ ժամ տեւողությամբ վիրաբուժական միջամտությունը հաջողությամբ է ավարտվել:

Ինչպես նշվում է, տեղի ունեցածն այնքան է զարմացրել բրազիլիացի էսկուպալներին, որ նրանք հանդես են եկել հայտարարությամբ, որի համաձայն տեղի ունեցածն աստվածային իրողություն է, քանի որի ձողը կենսական կարեւորության երակներին ու օրգաններին չէր վնասել:

«Ամրանն անցել է գլխի ու պարանոցի հիմնական զարկերակների միջով: Գիտեք, ապրել այդ վիճակում անհնար է: Ես իսկապես կարծում եմ, որ երեխային Աստված է օգնել»,- հայտարարել է  բժիշկ Ռոդրիգո Չիկրալան:

Հարցեր, պատասխաններ, մեկնաբանություններ