Միջերկրածովյան կենսակերպը ՅՈՒՆԵՍԿՕ-ի մարդկության ոչ նյութական ժառանգության ցանկում է հայտնվել

«Միջերկրածովյան դիետան» ընդգրկվել է ՅՈՒՆԵՍԿՕ-ի մարդկության ոչ նյութական ժառանգության  ցանկում։ Այս մասին հայտնել  է Կիպրոսի Հանրապետության մամուլի ծառայությունը, ինչն ապացուցում է այն նշանակությունը, որը տրվում է ո'չ միայն տեղի խոհանոցին, այլեւ երկրի եւ տարածաշրջանի հազարամյա  ավանդույթների ցանկացած դրսեւորման միջազգային ճանաչմանը։

Այս կապակցությամբ ուշագրավ է, որ ՅՈՒՆԵՍԿՕ-ի որոշման մասին հայտարարելու պատիվն իրեն է վերապահել հենց Կիպրոսը, թեեւ հայտագրվել էին նաեւ Խորվաթիան, Հունաստանը, Իտալիան, Մարոկոն, Պորտուգալիան եւ Իսպանիան։

Հայտից հետեւում է, որ այս երկրները «Միջերկրածովյան դիետա» անվան ներքո հասկանում են ո'չ միայն արագ նիհարելը  կամ առողջ սննդով կյանքը երկարացնելը, հաղորդում է ԻՏԱՌ-ՏԱՍՍ-ը:

«Որպես բացառիկ կենսակերպ տվյալ տարածաշրջանի եւ կլիմայի համար` Միջերկրածովյան դիետան արտացոլվում է նաեւ տարաբնույթ մշակութային իրադարձություններում, փառատոներում եւ դրան նվիրված տոնակատարություններում», - նշվում է ՅՈՒՆԵՍԿՕ-ի պաշտոնական հայտարարության մեջ: Այն առանձնանում է «փոխադարձ հարգանքի, հյուրասիրության, բարիդրացիության եւ միջմշակութային երկխոսության» դրսեւորումներով:

ՅՈՒՆԵՍԿՕ-ում հայտ ներկայացրած ցանկացած երկիր իր համայնքն էր ընտրել, որը ներկայացնել էր տեղի կենսակերպը, ավանդույթները եւ խոհանոցը, որոնք միավորված են «Միջերկրածովյան դիետա» հասկացությամբ: Կիպրոսում դա Ագրոսն է՝ փոքրիկ գյուղակ Տրոոդոսի լեռներում։

Հարցեր, պատասխաններ, մեկնաբանություններ