Աշխարհի ամենաերկար դրեդների տիրուհին հանուն դրանց պատրաստ է ամեն ինչի

17 մ, 19 կգ քաշով դրեդների համար Ջորջիա նահանգի բնակչուհուն Ռապունցել են անվանում: Չնայած բժիշկները 47-ամյա Աշա Մանդելային զգուշացնում են, որ եթե չկտրի դրեդները, կաթվածահար կլինի, նա հայտարարել է, որ երբեք չի ազատվի դրանցից:

Գինեսի ռեկորդների գիրքն Աշա Մանդելային ճանաչել է որպես աշխարհի ամենաերկար դրեդների տիրուհի: Կինը մազերն իր երեխաներն է համարում և կարծում է, որ դրանք իրեն օգնել են սրտի 2 նոպա հաղթահարել, բացի այդ՝ օգնում են իրեն քաղցկեղի դեմ պայքարում:

«Բժիշկները կարծում են, որ ինձ մոտ ողնաշարի շեղում է առաջացել, որի պատճառն իմ ծանր և երկար մազերն են: Ոմանք ասում են, որ իմ պարանոցային ողերը կարող են չդիմանալ ծանրությանը, արդյունքում ինձ մոտ մեջքի սպազմ կսկսվի, և հավանական է՝ ես հաշմանդամ դառնամ»,- ասել է Աշան:

Միսիս Մանդելան, ով 11-ամյա որդի ունի, ասում է, որ իր մազերն օգնել են իրեն անձնական հարաբերություններում, հաղորդում է Daily Mail-ը:

Հարցեր, պատասխաններ, մեկնաբանություններ