Մինչև 2020 թ. համացանցը հասանելի կլինի երկրագնդի գրեթե ողջ բնակչությանը

Այսօրվա դրությամբ երկրի բնակչության միայն երեք քառորդին է համացանցը հասանելի, սակայն մինչև 2020 թ. մեր մոլորակի գրեթե ողջ բնակչությունը համացանցից օգտվելու հնարավորություն կունենա, հիմնականում՝ շարժական սարքավորումների շնորհիվ:

Այս մասին Պետերբուրգի միջազգային տնտեսական ֆորումի շրջանականերում հայտարարել է Google-ի զարգացող շուկաների գծով փոխնախագահ Մոհամմադ Հավդատը:

Հավդատի խոսքերով՝ համացանց մուտք գործելու հնարավորություն ունեցող սարքավորումների շուկան օգտատերերի նոր տիպի, քոնթենթի օգտագործման ձևաչափի և ապրանքի ու ծառայության մատուցման գներից կախված՝ արմատապես փոփոխվում է:

Որպես օրինակ՝ նա նշում է հեռուստացույց դիտելիս շարժական սարքավորումները որպես «երկրորդ էկրան» օգտագործելը կամ սմարթֆոններից և պլանշետներից ձայնի միջոցով որոնողական ծրագրերում ուղիղ պատասխանի փնտրումը:

«Նախկինում մեր նպատակը 100 դոլարով բոլորին «խելացի» սարքավորումներով ապահովելն էր, այժմ մենք կարող ենք մարդկանց դրանցով ապահովել արդեն 60 դոլարով, իսկ ապագայում այդ սարքավորումների գինը կնվազի մինչև 15 դոլար»,- ասել է Google-ի ներկայացուցիչը:

Բջջային շուկայի հեռանակարը դրված է այն համակարգիչների արտադրության ոլորտի վրա, որոնք մարդը կարող է կրել իր վրա: «Մինչև 2020 թ. մենք բոլորս այնպիսի սարքավորումներ կունենանք, որոնք ամրացված կլինեն մեզ»,– կարծում է նա:

Հարցեր, պատասխաններ, մեկնաբանություններ