Բրիտանիան իր քաղաքացիներին կոչ է անում սահմանափակել մսի օգտագործումը

Երրորդ աշխարհի երկրներում սովի դեմ պայքարի նպատակով բրիտանական կառավարությունը իր քաղաքացիներին կոչ է արել սահմանափակել մսի օգտագործումը:

Մսամթերքի հաճախակի օգտագործումը եվրոպական խոշոր երկրներում հանգեցրել է կենդանիների կողմից որպես կեր օգտագործվող սերմի թանկացմանը: Միաժամանակ, արոտավայրերը ընդարձակելու նպատակով ծառահատվում են շատ անտառներ: Այս ամենը ընդհանուր առմամբ բացասաբար է անդրադառնում երրորդ աշխարհի երկրների վրա:

Ուսումնասիրողները պնդում են, որ շաբաթական ընդամենը երկու անգամ մսից հրաժարվելը դրական ազդեցություն կունենա համաշխարհային իրավիճակի վրա: Ավելին, նշվում է նաև մարդու օրգանիզմի վրա բուսական սննդի օգտակարությունը:

Հարցեր, պատասխաններ, մեկնաբանություններ