Գեղեցիկ մարդկանց կյանքն ավելի հիասքանչ է. 8 գիտական ապացույց

Գեղեցիկ մարդկանց կյանքն ավելի հիասքանչ է, գրում է Business Insider-ը՝ ներկայացնելով 8 գիտական ապացույց: Նախ նշվում է, որ գեղեցկությունն ամենևին էլ սուբյեկտիվ չէ, նույնիսկ տարբեր մշակույթներում կանայք և տղամարդիկ հիմնականում համակարծիք են, թե ով է ֆիզիկապես գրավիչ և ով՝ ոչ:

Աղբյուրը նշում է, որ կանանց դեպքում ակնահաճո են ու սեքսուալ են համարվում բարձր այտոսկրերը, լիքը շուրթերը, մեծ աչքերը, փոքր կզակը, տղամարդկանց դեպքում՝ մեծ ծնոտը և լայն կզակը: Իսկ առհասարակ ողորկ մաշկը, փայլուն մաշկն ու դեմքի համաչափությունը գեղեցկության հիմնական կողմերն են:

Իսկ գեղեցիկ մարդկանց հաջողելու և իրենց կյանքն ավելի լավը դարձնելու գիտական փաստարկները հետևյալն են՝

1. Գեղեցիկ մարդկանց ավելի առողջ են համարում:

Առողջության ասոցիացայի համար պատասխանատու է մասնավորապես դեմքի համաչափությունը, նույնիսկ եթե առողջության հետ գործ չունենանք իրականում:

2. Չնայած գեղեցիկ մարդիկ իրականում ավելի առողջ են:

Առանձնահատուկ դիմագծերով մարդիկ ավելի ենթակա են ախտերի և հաճախակի հիվանդանալու:

3. Գեղեցիկ մարդկանց համար ավելի հեշտ է զույգ գտնել:

Շատ տղամարդկանց համար գրավիչ կինը երիտասարդության, առողջության և վերարտադրողականության ազդակ է:

4. Գեղեցիկ մարդիկ ավելի խելացի են

Ըստ մեքսիկացի գիտնականների՝ խելացիությունը ուղիղ համեմատական է մարմնի համաչափությանը:

5. Գեղեցիկ մարդիկ ավելի լավ են կարողանում համոզել:

Գեղեցիկ մարդիկ կարող են օգտագործել իրենց սեքսուալ գրավչությունը և առաջ գնալ, սակայն նաև այն պատճառով որ խելացի են ու տիրապետում են հասարակության հետ շփվելու հմտություններին:

6. Բարետես ղեկավարներով ընկերությունները ավելի բարձր վաճառքներ են ունենում:

Գերմանացի գիտնականները գտնում են, որ առհասարակ գեղեցիկ աշխատակիցներով ընկերությունները մրցակցային առավելություններ ունեն:

7. Գեղեցիկ մարդիկ առավելություն ունեն քաղաքականության մեջ:

Ֆինն գիտնականները պնդում են, որ քաղաքականության մեջ թե կին, թե տղամարդ գործիչներն ավելի հաջողակ են, քան իրենց մրցակիցները, եթե բարետես են: Ավելին՝ արտաքին տեսքը կարող է ապահովել ձայների 20 տոկոսը:

8. Գեղեցիկ մարդիկ ընկալվում են որպես ավելի վստահելի ու հաճելի:

Հարվարդի համալսարանի գիտնականները պարզել են, որ դիմահարդարված կանայք ընկալվում են որպես ավելի ձեռնհաս, գրավիչ ու վստահելի:

Հարցեր, պատասխաններ, մեկնաբանություններ