ԱՄՆ-ում հիշողության կորստով տառապող կինը 25 տարի անց վերադարձել է տուն

ԱՄՆ-ում 54-ամյա կինը երկար տարիներ չի կարողացել հիշել թե ով է ինքը և որտեղ է իր ընտանիքը, սակայն շնորհիվ հոգատար բուժքրոջ կարողացել է գտնելի իր ընտանիքը, հայտնում է НТВ-ն:

Քսանհինգ տարի առաջ Փեթ Հոուկինսը, ով տառապում էր հիշողության կորստով գլխին ստացված հրազենային վնասվածքից հետո, տանից դուրս է եկել և կորել:

Որտեղ է նա անցկացրել այդ տարիները, հայտնի չէ: Հոկտեմբերին կնոջը տեղափոխել են վաշինգտոնյան MedStar կլինիկա: Բացի իր տարիքից և անունից կինը ոչինչ չէր հիշում:

Սովորաբար, նման դեպքերում անհրաժեշտ օգնություն ցուցաբերելուց հետո, հիվանդներին տեղափոխում են կացարան: Սակայն Սառա Սաբո անունով բուժքույրը որոշել է օգնել կնոջը: Եվ մի օր հրաշք է տեղի ունեցել. կինը հիշել է իր մոր տան հասցեն:

Պարզվել է Փեթի մայրը 25 տարի ապրել է նույն տանը և չի տեղափոխվել` սպասելով դստեր վերադարձին:

Հարցեր, պատասխաններ, մեկնաբանություններ