Աղջի՞կ, թե՞ տղա. բրիտանացի բժիշկները չեն կարողանում որոշել նորածին երեխայի սեռը

Երբ Էմմա Սոհրաբյանն Օքսֆորդի հիվանդանոցներից մեկում լույս աշխարհ է բերել իր առաջնեկին ՝ Աոլանի Արգիլին, բժիշկները հաստատել են, որ նա իգական սեռի ներկայացուցիչ է, գրում է Daily Mail-ը։

Փոքրիկի մայրն անչափ ուրախացել է դուստր ունենալու կապակցությամբ և շտապել գնել հնարավորինս շատ վարդագույն շորեր։ Սակայն երջանկության մթնոլորտը հանկարծակի վերացել է, երբ բժիշկները տեղեկացրել են մորը, որ երեխայի սեռը վերջնական հաստատելու համար նրանք պետք է մի շարք թեստեր անցկացնեն։

Բանն այն է, որ Սոհրաբյանը վաղաժամ ծննդաբերություն է ունեցել, և երեխան լույս աշխարհ է եկել կեսարյան հատման միջոցով, ուստի ստիպված է եղել 3 ամիս անցկացնել հիվանդանոցում՝ բժիշկների հսկողության ներքո։

Այդ ընթացում բժիշկները պարզել են, որ երեխան տառապում է հազվագյուտ հիվանդությամբ, որը հանդիպում է 15 հազարից 1-ի մոտ։ Հիվանդությունը կոչվում է Congenital Adrenal Hyperplasia (ենթաերիկամային օրգանի ի ծնե մեծացում). դրա արդյունքում երեխայի սեռական օրգանները զգալի մեծանում են և դրանցում տեղի են ունեում գենետիկ մուտացիաներ, առաջանում են տղամարդկային հորմոններ, ինչի արդյունքում երեխայի սեռը որոշելը բժիշկների համար իսկական գլուխկոտրուկ է դառնում։

Թեև անցկացված թեստերի պատասխանները ևս մեկ անգամ վկայել են, որ նործինն աղջիկ է, սակայն բժիշկները չեն կարողանում երաշխավորել դրա ճշմարտացիությունը։

Սոհրաբյանը պատմել է, որ իր համար անչափ դժվար է իր երեխային նման վիճակում տեսնել , սակայն ամենակարևորն այն է, որ Աոլանին առողջ մեծանա։

Իսկ ինչ վերաբերում է փոքրիկի սեռին, մայրն ասել է, որ «թող երեխան մեծանա և անձամբ որոշի»։

Հարցեր, պատասխաններ, մեկնաբանություններ