Աղքատների ու հարուստների եկամուտների տարբերությունը մեծացել է

Աշխարհի ամենահարուստ և ամենաաղքատ մարդկանց եկամուտների միջև տարբերությունը հասել է վերջին 20 տարվա մեջ ռեկորդային ցուցանիշի, ասված է Save the Children իրավապաշտպան կազմակերպության հրապարակած զեկույցում, հայտնում է BBC-ն:

Ըստ աղբյուրի, սոցիալական անհավասարությունն ավելի է մեծանում, երբ խոսքը վերաբերվում է այն պայմաններին, որտեղ մեծանում են տարբեր սոցիալական խավի ներկայացուցիչների երեխաները: Դա վառ արտահայտվում է նաև մանկական մահացության ցուցանիշներում:

Կազմակերպության եզրակացության համաձայն,  այս ոլորտում առաջընթաց գրանցելը գնալով դժվարանում է` կապված մեծացող սոցիալական անհավասարության հետ:

Զեկույցը պատրաստվել է ՄԱԿ-ի կայուն զարգացման հանձնաժողովի նիստից առաջ, որը պայքարում է նաև աշխարհում աղքատության խորացման դեմ: 

Հարցեր, պատասխաններ, մեկնաբանություններ