Շվեդիայում մինի ֆոտոխցիկ է ստեղծվել, որը կարող է նկարահանել մարդու ողջ կյանքը (տեսանյութ)

Շվեդ էնտուզիաստների խումբը ստեղծել է մի նոր ծառայություն, որը ներառում է մշտական լուսանկարում իրականացնող Memoto կոչվող մինի ֆոտոխցիկ, որը լուսանկարում է բոլոր գործողությունները, հաղորդում է newsru.com-ը:

Սարքը լուսանկարում և աքսելոմետրի ու GPS-ի միջոցով գրանցում է գտնվելու կոորդինատները ամեն 30 վայրկյան, այնպես, որ երկար տարիներ անց կարելի է ճշգրիտ հիշել ցանկացած գործողություն րոպեի ճշտությամբ:

Ներկայում իրականացվում է արտադրությանը անհրաժեշտ միջոցների հավաքագրում սոցիալական նախաձեռնությունների ֆինանսավորման Kickstarter կայքի միջոցով:

Նախագծի հեղինակներն արդեն անհրաժեշտ 150 հազար ԱՄՆ դոլարից հավաքել են մոտ 66 հազարը, ինչը պետք է բավականացնի, որպեսզի սարքի արտադրությունը սկսվի 2013թ.:

Memoto-ն մտադիր են վաճառել 280 ԱՄՆ դոլար գնով:

Բայց, «կյանքը գրանցող» հերթական սարքի ստեղծողները դեռ պետք է լուծեն չափերի փոքրացման և որոշ ֆունկցիաների հետ կապված խնդիրները, այդ թվում և մարտկոցի, տեղեկությունների ծածկագրված փոխանցման և ներբեռնման հարցերը:

Մարտկոցների լիցքը պետք է բավական լինի 48 ժամ աշխատանքի համար: Համակարգչի հետ տվյալների փոխանակման և լիցքավորման համար օգտագործվում է MicroUSB-ն:    

Նկարահանված նյութերի հետ աշխատանքի համար նախատեսվում է թողարկել Android-ով և iOS-ով հատուկ հավելվածներ:

Տեսանյութը՝ այստեղ:

Հարցեր, պատասխաններ, մեկնաբանություններ