Վերջին տասը տարում դեղարտադրության ոլորտում 28 տոկոս աճ է գրանցվել. Արա Բաբլոյան

Մեր բնակչությունը ունի որակյալ դեղամիջոց ստանալու իրավունքը: Այս կարծիքն այսօր հայտնեց ՀՀ Ազգային ժողովի առողջապահության, մայրության և մանկության հարցերի մշտական հանձնաժողովի նախագահ Արա Բաբլոյանը Հանրապետական կուսակցության մշակած արդյունաբերության ոլորտներին վերաբորեղ փաստաթղթի ներկայացման ժամանակ:

«Մենք ուզում ենք միջազգային կանոններին համապատասխան դեղեր արտադրել և շատ կարևոր է, որ դրանք արտահանենք»,-ասաց Արա Բաբլոյանը:

Նա տեղեկացրեց, որ վերջին տասը տարիների ընթացքում դեղերի արտադրության ոլորտում 28% աճ է գրանցվել:
«Հայաստանում մի քանի տասնյակ դեղարտադրող ընկերություններ կան, որոնց մեջ կան այնպիսիք, որոնք բացի դեղերից նաև հումք են արտադրում: Բժշկական համալսարանում բացվել է մի բաժին, որը պատրաստում է դեղեր պատրաստող մասնագետներ: Եվ այս ամենը ցույց է տալիս, թե ինչքան կարևոր է դա մեզ համար: Պետությունը պետ է աջակցի դեղագործության ոլորտի զարգացմանը»,-ասաց Արա Բաբլոյանը:

Հարցեր, պատասխաններ, մեկնաբանություններ