Հայկական ակնաբուժության նախագծի միջոցով 2010 թ.-ին 28,5 հազար մարդ անվճար հետազոտություն է անցել

«Հայկական ակնաբուժության նախագիծ» բարեգործական կազմակերպության միջոցով (The Armenian EyeCare Project - AECP) 2010 թ.-ին Հայաստանում 28,5 հազար մարդ անվճար հետազոտոություն է անցել, հինգշաբթի «Նովոստի-Արմենիա» գործակալությանը տեղեկացրեցին կազմակերպության մամուլի ծառայությունից:

Մամուլի հաղորդագրության համաձայն՝ նշված ժամանակահատվածում անվճար վիրահատության է ենթարկվել 1,4 հազար մարդ, շուրջ 3 հազար մարդ հետազոտություն է անցել Աչքի շարժական հիվանդանոցում:

Հայկական ակնաբուժության նախագիծը (ՀԱՆ) հիմնադրվել է 1992 թ.-ին ԱՄՆ-ում: Այն գործում է ԱՄՆ Միջազգային զարգացման գործակալության (USAID) ֆինանսական աջակցությամբ: Նախագծի հիմնական առաքելությունն է կանխարգելել ձեռքբերովի կուրությունը Հայաստանում: ՀԱՆ-ի մասնագետներն այսօրվա դրությամբ հետազոտել են ավելի քան 274 հազար մարդու, որոնցից շուրջ 12 հազարը անվճար վիրահատվել է:

Հարցեր, պատասխաններ, մեկնաբանություններ