Մարդու հոգեկան առողջության համար սովորական կյանքն ավելի վտանգավոր է, քան պատերազմը

Զինվորները, որոնք իրենց ծառայությունն անցկացնում են թեժ կետերում, ավելի քիչ են ենթարկվում սթրեսի, քան այն մարդիկ , ովքեր ապրում են առօրյա կյանքով:

Բրիտանացի հոգեբան փորձագետները պարզել են, որ օրինակ, փրկարարները, ոստիկանության կամ շտապ բուժօգնության ծառայության աշխատակիցներն ավելի շատ են ենթարկվում սթրեսի, քան զինվորականները:

Նրանց տվյալներով 2009 թվականի հունվար-փետրվար ամիսներին Իրաքում ծառայող 5 զինվորներից միայն մեկն է ունեցել հոգեբանական սթրեսի ախտանշաններ: Հոգեկան խանգարման ախտանշաներ նկատելի են եղել հատկապես կանանց և շարքային զինծառայողների մոտ:

Ինչպես հաղորդում է MIGnews.com. կայքը, նմանատիպ հետազաոտություն անցկացվել է նաև փրկարար ծառայության աշխատակիցների շրջանում: Արդյունքները գրեթե նույնն են եղել:

Փորձագետների կարծիքով, սթրեսային իրավիճակները հաղթահարել զինվորականներին օգնում են մշտական հոգեբանական պատրաստվածությունը և հանգստյան օրերը, որոնք նրանք անցկացնում են ռազմական գործողություններից դուրս տարածքում:

Հարցեր, պատասխաններ, մեկնաբանություններ