Գիտությունը վկայում է. անվտանգ վարել ավտոմեքենա և միաժամանակ խոսել բջջային հեռախոսով ի զորու է յուրաքանչյուր 40 մարդուց միայն 1-ը:

Աշխարհի գրեթե բոլոր երկրների ավտոճանապարհային ոստիկանները ամեն վայրկյան պատրաստ են, տեսնելով վարորդ, որը պտտում է ղեկը մեկ ձեռքով և մյուսով պահում է բջջային հեռախոսը, անմիջապես մեքենան կանգնեցնելու նշան անել և վերջինիս տուգանել` ուշադրություն չդարձնելով նրա բոլոր բողոքներին:

Կանոններն ասում են, որ միաժամանակ մեքենա վարելն ու բջջային հեռախոսով խոսելը համարվում է կոպիտ խախտում: Ավտոճանապարհային կանոներն, ինչպես ասոմ են` «գրված են արյամբ»:

Ամերիկացի հետազոտողներն ապացուցել են գիտությամբ` ամեն 40 մարդկանցից 39-ը անկարող են անվտանգ մեքենա վարել, եթե ուշադրությունը շեղում են հեռախոսով զրուցելով: Գիտությունը վկայում է. անվտանգ վարել ավտոմեքենա և միաժամանակ խոսել բջջային հեռախոսով ի զորու է յուրաքանչյուր 40 մարդուց միայն 1-ը: Հետազոտությունն անցկացրել են գիտնականներ` ամերիկյան Յուտա նահանգից, իսկ փորձարկմանը մասնակցել են 200 վարորդներ: Ավտոմարզատեխնիկայի միջոցով նրանց համար ստեղծվել է ենթադրյալ արագըթաց երթուղի, որը նրանք պետք է անցնեին հատուկ սարքավորման միջոցով` «hands-free», բջջային հեռախոսով զրուցելով չկտրվելով ղեկից (սովորական բջջային հեռախոսով զրուցել և ղեկը վարել մի ձեռքով չթույլատրվեց իրականացնել նույնիսկ փորձարկման ընթացքում, քանի որ դա բացարձակապես անընդունելի է):

Հրահանգիչը հեռախոսով խնդրել է փորձարկման մասնակիցներին հիշել որոշ բառեր կամ լուծել երկրաչափական պարզ խնդիրներ: Այդժամ մասնակիցներն անցել են ենթադրյալ իրավիճակ, երբ պահանջվում էր անմիջապես արգելակել: Վարորդների մեծամասնությունը` 97.5 %-ը, իրավիճակի կտրուկ փոփոխմանն արձագանքել են 20% ավելի դանդաղ, քան այն դեպքերում, երբ հեռախոսով չեն խոսել:

Այնուամենայնիվ պարզվել է, որ մարդկանց 2.5%-ը (գիտնականները նրանց անվանել են «բազմախնդիր»(«supertaskers»)) օժտված են եղել Հուլիոս Կեսարի առեղծվածային ընդունակությունով, ինչպես ասում են, նա կարողացել է միաժամանակ կատարել երեք աշխատանք: Այսինքն, այդ մասնակիցները խոսելով բջջային հեռախոսով, արձագանքել են առաջացած խոչընդոտներին, այնքան արագ, ինչպես սովորական պայմաններում երթևեկելիս:

Հետազոտողները զգուշացնում են, որ այդպիսի մարդիկ քիչ են: «Յուրաքանչյուրս ուզում ենք մտածել, որ օժտված ենք գերընդունակություններով, սակայն դա հեռու է իրականությունից և այդպես չէ: Միայն մեկն ամեն քառասուն մարդուց իսկապես կարող է արդյունավետ կատարել մի քանի գործողություններ միաժամանակ»,-ասել է հոգեբան Ջեյսոն Վաթսոնն, որը նույնպես մասնակցել է վերոնշյալ գիտափորձին:

Հարցեր, պատասխաններ, մեկնաբանություններ